Qazaqstan Respýblıkasy Memlekettik qyzmet isteri agenttiginiń buıryǵy № 06-7/34

Qazaqstan Respýblıkasy Memlekettik qyzmet isteri agenttiginiń buıryǵy № 06-7/34

Beısenbi, 28 naýryz 2013 1:17

2013 jylǵy 19 naýryz

«A» korpýsynyń memlekettik ákimshilik laýazymdaryna qoıylatyn arnaıy biliktilik talaptary týraly

Qazaqstan Respýblıkasynyń «Memlekettik qyzmeti týraly» 1999 jylǵy 23 shildedegi Zańynyń 13-babynyń 5-tarmaǵyna sáıkes buıyramyn:

1. Qosa berilip otyrǵan «A» korpýsynyń memlekettik ákimshilik laýazymdaryna qoıylatyn arnaıy biliktilik talaptary bekitilsin.

2. Memlekettik qyzmetti ótkerý bólimi (T.Q. Jumaǵulov) osy buıryqty zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýdi jáne resmı jarııalaýdy qamtamasyz etsin.

 

Beısenbi, 28 naýryz 2013 1:17

2013 jylǵy 19 naýryz

«A» korpýsynyń memlekettik ákimshilik laýazymdaryna qoıylatyn arnaıy biliktilik talaptary týraly

Qazaqstan Respýblıkasynyń «Memlekettik qyzmeti týraly» 1999 jylǵy 23 shildedegi Zańynyń 13-babynyń 5-tarmaǵyna sáıkes buıyramyn:

1. Qosa berilip otyrǵan «A» korpýsynyń memlekettik ákimshilik laýazymdaryna qoıylatyn arnaıy biliktilik talaptary bekitilsin.

2. Memlekettik qyzmetti ótkerý bólimi (T.Q. Jumaǵulov) osy buıryqty zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýdi jáne resmı jarııalaýdy qamtamasyz etsin.

3. Osy buıryq ony birinshi ret resmı jarııalaǵannan bastap qoldanysqa engiziledi biraq, 2013 jylǵy 26 naýryzdan erte emes.

Tóraǵa      Á.Baımenov.

 

Qazaqstan Respýblıkasy Memlekettik qyzmet isteri agenttigi Tóraǵasynyń 2013 jylǵy 19 naýryzdaǵy № 06-7/34 buıryǵymen bekitilgen

 «A» korpýsynyń memlekettik ákimshilik laýazymdaryna qoıylatyn arnaıy biliktilik talaptary

1. Jalpy erejeler

1. Osy «A» korpýsynyń memlekettik ákimshilik laýazymdaryna qoıy­latyn arnaıy biliktilik talaptary (budan ári – Arnaıy biliktilik talaptary) Qazaqstan Respýblıkasynyń «Memlekettik qyzmeti týraly» 1999 jylǵy 23 shildedegi Zańynyń 13-babynyń 5-tarmaǵyna, «A» korpýsynyń memlekettik ákimshilik laýazymdaryna qoıylatyn arnaıy biliktilik talaptarynyń keıbir máseleleri týraly» Qazaqstan Respýblıkasynyń Prezıdentiniń 2013 jylǵy 7 naýryzdaǵy № 519 Jarlyǵyna sáıkes ázirlendi jáne «A» korpýsyndaǵy ákimshilik memlekettik laýazymdarǵa ornalasýǵa úmitker azamattarǵa usy­nylady.

2. Arnaıy biliktilik talaptary:

1) bilimi boıynsha talaptardy;

2) jumys tájirıbesi boıynsha talaptardy;

3) kásibı bilim-biligi boıynsha; Qazaqstan Respýblıkasynyń zańnamasyn, strategııalyq jáne baǵdarlamalyq qujattardy bilýi boıynsha talaptardy;

4) laýazymdyq mindetteriniń sıpatyna baılanysty ózge de talaptardy qamtıdy.

3. Qazaqstan Respýblıkasy Prezıdentiniń 2013 jylǵy 7 naýryzdaǵy № 523 Jarlyǵymen bekitilgen Memlekettik qyzmetshiler laýazymdarynyń tizilimine sáıkes «A» korpýsynyń memlekettik ákimshilik laýazymdary eki sanatqa bólinedi.

4. «A» korpýsynyń jekelegen memlekettik ákimshilik laýazymdaryna birdeı talaptar qoıylady.

Birdeı talaptarmen «A» korpýsynyń birinshi sanattaǵy laýazymdary toptarǵa birigedi:

1) birinshi top myna laýazymdardy qamtıdy:

ortalyq atqarýshy organdardyń jaýapty hatshylary;

Konstıtýsııalyq keńes, Qazaqstan Respýblıkasy Prezıdentiniń Is basqar­masy, Qazaqstan Respýblıkasy Ortalyq saılaý komıssııasy, Respýb­lıkalyq bıýdjettiń atqarylýyn baqylaý jónindegi esep komıteti, Qazaqstan Respýblıkasy Memlekettik qyzmet isteri agenttigi apparattarynyń basshylary, Qazaqstan Respýblıkasy Joǵarǵy Soty janyndaǵy Sottardyń qyzmetin qamtamasyz etý departamentiniń (Qazaqstan Respýblıkasy Joǵarǵy Soty apparatynyń) basshysy;

oblystardyń, astananyń jáne respýblıkalyq mańyzy bar qalanyń ákimderi apparattarynyń basshylary;

jaýapty hatshy laýazymy engizilmegen ortalyq atqarýshy organdardyń apparat basshylary, Adam quqyqtary jónindegi ulttyq ortalyq basshysy;

2) ekinshi top myna laýazymdardy qamtıdy:

Qazaqstan Respýblıkasy Joǵarǵy Soty janyndaǵy Sottardyń qyzmetin qamtamasyz etý depar­tamentiniń (Qazaqstan Respýblıkasy Joǵarǵy Soty apparatynyń) basshysynyń orynbasarlary;

Qazaqstan Respýblıkasy Prezıdenti Ákimshiliginiń sektor meńgerýshileri;

Qazaqstan Respýblıkasy Parlamenti palatalarynyń apparattary, Qazaq­stan Respýblıkasy Premer-Mınıstriniń Keńsesi, Qazaqstan Respýblıkasy Konstıtýsııalyq Keńesiniń, Qazaqstan Respýblıkasy Prezıdentiniń Is bas­qar­­masy, Qazaqstan Respýblıkasy Ortalyq saılaý komıssııasynyń apparattary, Respýblıkalyq bıýdjettiń atqarylýyn baqylaý jónindegi esep komı­teti, Qazaqstan Respýblıkasy Memlekettik qyzmet isteri agenttigi, Qazaqstan Respýblıkasy Joǵarǵy Soty janyndaǵy Sottardyń qyzmetin qamtamasyz etý departamenti (Qazaqstan Respýblıkasy Joǵarǵy Sotynyń apparaty) qurylymdyq bólimsheleriniń jetekshileri;

Qazaqstan Respýblıkasy Memlekettik qyzmet isteri agenttigi aýmaqtyq organdarynyń basshylary – Qazaqstan Respýblıkasy Memlekettik qyzmet isteri agenttiginiń oblystardaǵy, astanadaǵy jáne respýblıkalyq mańyzy bar qaladaǵy tártiptik keńesteriniń tóraǵalary;

ortalyq atqarýshy organdar komıtetteriniń tóraǵalary;

Qazaqstan Respýblıkasy Parlamenti Sharýashylyq basqarmasynyń basshysy jáne onyń orynbasarlary;

oblystyq mańyzy bar qalalardyń (oblystardyń ákimshilik ortalyǵy bolyp tabylatyn qalalardyń ákimderin qospaǵanda), oblystar aýdandarynyń jáne qalalardaǵy aýdandardyń ákimderi.

5. «A» korpýsynyń ekinshi sanaty oblystardyń, astananyń, respýblı­kalyq mańyzy bar qalanyń tekserý komıssııalarynyń tóraǵalary men múshe­leriniń laýazymdaryn qamtıdy.

2. Bilimi boıynsha talaptar

6. Birinshi sanattaǵy «A» korpýsynyń ákimshilik memlekettik qyzmet kadr rezervine alý jáne «A» korpýsynyń ákimshilik memlekettik laýazymdaryna ornalasý úshin úmitkerdiń joǵary biliminiń bolýy talap etiledi.

7. Ekinshi sanattaǵy «A» korpýsynyń ákimshilik memlekettik qyzmet kadr rezervine alý jáne «A» korpýsynyń ákimshilik memlekettik laýazymdaryna ornalasý úshin úmitkerdiń memlekettik basqarý, ekonomıka, qarjy, quqyq salasynda joǵary biliminiń bolýy talap etiledi.

3. Jumys tájirıbesi boıynsha talaptar

8. Jumys tájirıbesi Qazaqstan Respýblıkasynyń zańnamasyna sáıkes memlekettik qyzmet ótilin jáne (nemese) memlekettik jáne memlekettik emes uıymdardaǵy jumys tájirıbesin qamtıdy.

9. Birinshi sanattyń birinshi tobynyń laýazymdaryna ornalasý úshin:

1) jeti jyldan kem emes jumys tájirıbesi, onyń ishinde saıası memle­kettik laýazymdarda nemese memlekettik organdarda nemese olardyń qury­lymdyq bólimshelerinde basshylyq nemese olardyń orynbasarlary laýazymdarynda (V-2, S-2, S-O-1, D-2, D-O-1 sanattarynan tómen emes), nemese A-1 sanatyndaǵy laýazymdarda úsh jyldan kem emes memlekettik qyzmet ótili;

2) nemese alty jyldan kem emes jumys tájirıbesi, onyń ishinde memlekettik tapsyrys negizinde memlekettik qyzmetshilerdi daıarlaý jáne qaıta daıarlaýdyń memlekettik baǵdarlamalary boıynsha nemese sheteldiń joǵary oqý oryndarynda Shetelde kadrlar daıarlaý jónindegi respýblıkalyq komıssııa bekitetin basym mamandyqtar boıynsha oqýdy aıaqtaǵan jaǵdaıda osy tarmaqtyń 1) tarmaqshasynda atalǵan laýazymdarda eki jyldan kem emes memlekettik qyzmet ótili talap etiledi.

10. Birinshi sanattyń ekinshi tobynyń laýazymdaryna ornalasý úshin:

1) bes jyldan kem emes jumys tájirıbesi, onyń ishinde saıası memlekettik laýazymdarda nemese memlekettik organdarda nemese olardyń qurylymdyq bólimshelerinde basshylyq nemese olardyń orynbasarlary laýazymdarynda (V-3, S-3, S-O-2, D-2, D-O-2, E-2 sanattarynan tómen emes), nemese A-1, A-2, A-3 sanattaryndaǵy laýazymdarda eki jyldan kem emes memlekettik qyzmet ótili;

2) nemese bes jyldan kem emes, onyń ishinde memlekettik nemese memle­kettik emes uıymdarda basshylyq laýazymdarda tórt jyldan kem emes jumys tájirıbesi*;

3) nemese tórt jyldan kem emes jumys tájirıbesi, onyń ishinde memle­kettik tapsyrys negizinde memlekettik qyzmetshilerdi daıarlaý jáne qaıta daıarlaýdyń memlekettik baǵdarlamalary boıynsha nemese sheteldiń joǵary oqý oryndarynda Shetelde kadrlar daıarlaý jónindegi respýblıkalyq komıssııa bekitetin basym mamandyqtar boıynsha oqýdy aıaqtaǵan jaǵdaıda osy tarmaqtyń 1) tar­maq­shasynda atalǵan laýazymdarda bir jarym jyldan kem emes memlekettik qyzmet ótili talap etiledi.

11. Ekinshi sanattaǵy «A» korpýsynyń ákimshilik memlekettik qyzmet kadr rezervine alý jáne «A» korpýsynyń ákimshilik memlekettik laýazymdaryna ornalasý úshin úmitkerdiń memlekettik basqarý, ekonomıka, qarjy, quqyq salasynda jeti jyldan kem emes jumys tájirıbesi talap etiledi.

4. Kásibı bilim-biligi boıynsha; Qazaqstan Respýblıkasynyń zańnamasyn, strategııalyq jáne baǵdarlamalyq qujattardy bilýi boıynsha talaptar

12. «A» korpýsynyń ákimshilik memlekettik qyzmet kadr rezervine alý jáne «A» korpýsynyń ákimshilik memlekettik laýazymdaryna ornalasý úshin úmitkerlerge kásibı bilim-biligi; Qazaqstan Respýblıkasynyń zańnamasyn, strategııalyq jáne baǵdarlamalyq qujattardy bilýi boıynsha talaptar qoıylady.

13. Kásibı bilim-biliginiń bolýyn jáne strategııalyq jáne baǵdarlamalyq qujattardy bilýi Qazaqstan Respýblıkasynyń Prezıdenti janyndaǵy Kadr saıasaty jónindegi ulttyq komıssııamen úmitkermen áńgimelesý júrgizý kezinde anyqtalady.

14. Qazaqstan Respýblıkasynyń zańnamasyn bilý testileý ótkizý kezinde anyqtalady.

5. Laýazymdyq mindetteriniń sıpatyna baılanysty ózge de talaptar

15. «A» korpýsynyń ákimshilik memlekettik qyzmet kadr rezervine alý jáne «A» korpýsynyń ákimshilik memlekettik laýazymdaryna ornalasý úshin úmitkerlerge jeke tulǵalyq jáne basqarýshylyq biliktiliginiń sondaı-aq, memlekettik tildi ıgerý deńgeıine talaptar qoıylady.

16. «A» korpýsynyń ákimshilik memlekettik laýazymdaryna ornalasýǵa jeke tulǵalyq jáne basqarýshylyq biliktiliginiń deńgeıin anyqtaý Testileý baǵdarlamalaryna sáıkes memlekettik qyzmet isteri jónindegi ýákiletti organmen testileý ótkizý arqyly anyqtalady.

17. Memlekettik tildi ıgerý deńgeıine talaptarǵa sáıkestigi Qazaqstan Respýblıkasy Bilim jáne ǵylym mınıstrliginiń QAZTEST júıesi boıynsha testileý ótkizý nátıjeleri boıynsha anyqtalady. Qarapaıym deńgeıden tómen nátıje alý úmitkerdi «A» korpýsynyń ákimshilik memlekettik qyzmet kadr rezervine alýǵa irikteýge ári qaraı qatysýdan alyp tastaýǵa negiz bolmaıdy, biraq kadr rezervin qalyptastyrý kezinde esepke alynady.

______________________________________

* Memlekettik nemese memlekettik emes uıymdarda basshylyq laýazymdarǵa:

memlekettik nemese memlekettik emes uıymdardyń (kishi kásipkerlik sýbektileri bolyp tabylatyn uıymdardy qospaǵanda) basshylary men olardyń orynbasarlary;

Qazaqstan Respýblıkasy Ulttyq Bankiniń departamenteri men derbes basqarma­lary­nyń basshylarynyń nemese fılıaldarynyń basshylarynan tómen emes;

ulttyq basqarý holdıngterinde, ulttyq holdıngterde, ulttyq kompanııalarda, ulttyq damý ınstıtýttarynda departamentter basshylarynan tómen emes laýazymdar jatady.

Buıryq Qazaqstan Respýblıkasynyń Ádilet mınıstrliginde 2013 jyl­ǵy 20 naýryzda Normatıv­tik quqyqtyq kelisimderdi memlekettik tir­keýdiń tizilimine №8382 bolyp engizildi.