Parlament Senatynyń áleýmettik-mádenı damý jáne ǵylym komıtetiniń músheleri Senat Apparatynda taǵylymdamadan ótken «Jastar kadrlyq rezervi» respýblıkalyq joba jeńimpazdarymen kezdesý ótkizdi. Bul týraly Parlament Senatynyń baspasóz qyzmeti habarlady.
Kezdesýge sondaı-aq «Bolashaq» Qazaqstan Respýblıkasynyń Prezıdentiniń halyqaralyq stıpendııasy stıpendıattary qaýymdastyǵynyń ókilderi qatysty.
Komıtet hatshysy Serik Bekturǵanov Senattyń qurylymy men qyzmeti týraly aıtyp, senatorlardyń jumysyna qysqasha sholý jasady.
«Bolashaq» Qazaqstan Respýblıkasynyń Prezıdentiniń halyqaralyq stıpendııasy stıpendıattary qaýymdastyǵynyń atqarýshy dırektory Laýra Demesınova jas mamandar úshin kadrlyq rezervtiń jaqsy bastama ekenin atap ótti. Qazirgi ýaqytta rezerv quramynda 500-den astam maman bar.
Kezdesý barysynda depýtattar jas mamandardyń suraqtaryna jaýap berip, usynystaryn tyńdady.