2019 jylǵy 30 qazanda Qazaqstan Premer-Mınıstri Asqar Mamın resmı saparmen Nıderlandy Koroldigine barady. Bul týraly Premer-Mınıstrdiń baspasóz qyzmeti habarlady.
Bul Qazaqstan Úkimeti Basshysynyń Nıderlandyǵa ekijaqty qarym-qatynas tarıhyndaǵy alǵashqy sapary bolady, onda Nıderlandy Koroldiginiń Premer-Mınıstri Mark Rıýttemen kezdesý ótedi. Kelissózder barysynda taraptar ekijaqty ınvestısııalyq jáne saýda-ekonomıkalyq yntymaqtastyq perspektıvalaryn talqylaıdy.
Qazaqstan Respýblıkasynyń Premer-Mınıstri Asqar Mamın Qazaqstan-Gollandııa bıznes-forýmyna qatysyp, Shell, BITFURY, SUEZ GROUP, Farm Frites, Dutch Fruit Solutions Kazakhstan kompanııalarymen kelissózder ótkizedi jáne birqatar ınnovasııalyq nysandardy aralaıdy.