Qaraǵandy oblysyndaǵy Sátbaev qalasynda Taıjan aqyn ánderin oryndaýshylardyń II respýblıkalyq konkýrsynyń qorytyndysy shyǵaryldy.
Bıylǵy baıqaýǵa Almaty, Shymkent, Qaraǵandy qalalary men Qyzylorda, Shyǵys Qazaqstan, Batys Qazaqstan jáne Qaraǵandy oblystarynan 14 úmitker baq synady. Qatysýshylar birinshi týrda úsh jáne ekinshi týrda eki ánnen oryndady.
Quramynda Qazaqstannyń halyq ártisi, О́ner ýnıversıtetiniń professory, Memlekettik syılyqtyń laýreaty Qaırat Baıbosynov pen eńbek sińirgen qaıratker, aqyn, ánshi-jyrshy Qatımolla Berdiǵalıev bar qazylar alqasynyń sheshimimen bas júldege almatylyq Jannur Musylmanbek laıyqty dep tanylyp, jeńimpazǵa 500 myń teńgeniń sertıfıkaty tabys etildi.
Birinshi júldeni Qyzylorda oblysynan kelgen Erlan Ybyraıhan ıelense, júldeli ekinshi oryn shymkenttik Ámirjan Beknııazovqa buıyrdy. Al Shyǵys qazaqstandyq Talant Májıtov pen Batys Qazaqstan oblysynyń ánshisi Mırlan Jambylov úshinshi júldeni ózara bólisti. Birinshi júldege 300 myń teńge jáne úshinshi oryn úshin 200 myń teńge berildi.