Toqaev «Januıa» otbasyn qoldaý ınstıtýtyn aralady, kásipker analardy qoldady. Bul týraly Aqordanyń baspasóz qyzmeti habarlady.
Memleket basshysy astanalyq otbasylarǵa «bir tereze» qaǵıdaty boıynsha zańgerlik, psıhologııalyq, áleýmettik qyzmet kórsetetin ortalyqtyń jumysymen tanysty. Bul jerde densaýlyq saqtaý, bilim berý, kásipkerlik, ataýly áleýmettik kómek alý jáne turǵyn úı baǵdarlamalarynyń oryndalýy jaıynda keńes alýǵa bolady.
«Januıa» ortalyǵynyń bastamalaryn joǵary baǵalaǵan Memleket basshysy atalǵan mekemeniń tájirıbesin elimizdiń barlyq aımaqtarynda iske asyrý kerek ekenin aıtty.
Sonymen qatar Prezıdent ortalyqtyń bazasynda iske asyp jatqan «Kásipker ana» jobasynyń qatysýshylarymen de áńgimelesti.
– Bizdiń elimizde jumys istep, jetistikke jetkisi keletin adam – onyń jolyn izdeıdi jáne tabady. «Izdegen jeter muratqa», – dedi Qasym-Jomart Toqaev.