Qazaqstan Respýblıkasynyń Prezıdenti janyndaǵy Ortalyq kommýnıkasııalar qyzmetiniń alańynda Nur-Sultan qalasy ákiminiń orybasary Ermek Qızatov kógildir otynnyń astanaǵa qashan keletini týraly aıtty. Bul týraly Nur-Sultan qalasy ákimdiginiń baspasóz qyzmeti habarlady.
Elorda ákimi orynbasarynyń aıtýynsha, búgingi tańda «Nur-Sultan qalasyn gazdandyrý» jobasyna tehnıkalyq-ekonomıkalyq negizdeme ázirlendi jáne «Gosekspertıza» RMK oń qorytyndysy alyndy.
Gazben qamtý qurylysynyń I kezeńi 9 iske qosý kesheninen turady (qurylys bastaldy 2019-2020 jj.): 1-shi iske qosý kesheni - AGRS-1-den JEO-1-ge gaz berý (ystyq sý qazandyqtary men mazýt qazandary);
2-shi iske qosý kesheni - AGRS-2-den JEO-2-ge gaz berý (ystyq sý qazandyqtary); 3-6-shy ushyrý keshenderi - Kóktal-1, Kóktal-2 turǵyn aýdandaryna gaz taratý jelileri; 7-shi iske qosý kesheni - Jeleznodorojnyı turǵyn úı keshenine gaz taratý jelileri; 8-den 9-ǵa deıin iske qosý kesheni - Promyshlennyı kentine, Iýgo-Vostok turǵyn úı keshenine gaz taratý jelileri.
Qurylystyń II kezeńi 4 iske qosý kesheninen turady (iske asyrý merzimi 2020-2023 jj.): 1-den 2-ge deıingi keshender - Mıchýrıno, Internasıonalnyı, Kúıgenjar turǵyn aýdandaryna gaz taratý jelileri;
3-shi iske qosý kesheni - Telman turǵyn úı keshenine gaz taratý jelileri; 4-shi iske qosý kesheni - Prıgorodnyı, Garden Village, Family Village qalashyqtaryna gaz taratý jelileri.
Qurylystyń III kezeńi 4 iske qosý kesheninen turady (iske asyrý merzimi 2020-2023 jj.): 1-den 2-ge deıingi keshender - Ilınka turǵyn úı keshenine gaz taratý jelileri; 3-shi iske qosý kesheni – Shubar turǵyn úı keshenine gaz taratý jelileri; 4-iske qosý kesheni - О́ndiris turǵyn úı keshenine gaz taratý jelileri.