Búgin Almatyda Qazaqstandaǵy Eýropalyq Odaq О́kildigi uıymdastyrǵan IV Eýropa kınofestıvaliniń ashylý saltanaty ótti.
Festıval 5-7 qarasha aralyǵynda kórermender nazaryna Eýropalyq Odaqqa múshe elderdiń 16 fılmin, sondaı-aq eýropalyq rejısserlerdiń eksklıýzıvti master-klasstaryn usynady. Festıvaldiń maqsaty – Eýropa mádenı murasynyń úzdik jańa fılmderin usyný, kópshilik buqaranyń kınemotografııalyq ónerge qyzyǵýshylyǵyn arttyrý jáne halyqaralyq yntymaqtastyqty nyǵaıtý.
Sharanyń ashylý saltanatyna Qazaqstandaǵy Eýropalyq Odaq Elshisi Sven-Olov Karlsson, festıvaldiń arnaıy qonaqtary rejısser Renars Vımba (Latvııa), rejısser Karolın Tırıon (Belgııa) jáne zertteýshi Enn Lodısýa («Mbýdha» fılmniń basty keıipkeri) qatysty.
Usynylǵan kıno týyndylardyń barlyǵy bedeldi halyqaralyq kınofestıvalderdiń júldegerleri, atap aıtqanda, úsh «Sezar» syılyǵynyń júldegeri – «Kishkentaı fermer» (Bloody Milk), «Davıd dı Donatello» syılyǵynyń ıegeri – «Chambra» (A Ciambra), «Úmit aıyby» (The Vice of Hope) fılmderi, Kann festıvaliniń synshylar aptasynyń Gran-prı ıegeri – «Dıamantıno» (Diamantino), Lokarno kınofestıvaliniń ádilqazylar alqasynyń arnaıy syılyq júldegeri – «Reı men Lız» (Ray & Liz), Venesııa kınofestıvaliniń «Úzdik akter» nomınasııasynyń júldegeri– «Áýlıe Georgıı» (Saint George), Karlovy Vary kınofestıvaliniń «Úzdik rejısser» nomınasııasynyń júldegeri – «Shek» (The Line) , «Qysqy shybyn-shirkeı» (Winter Flies), sonymen qatar Býharest, Slovenııa, Slovakııa, Monreal, Tokıo jáne Sandens kınofestıvaldarynyń birqatar júldegerleri.
«Bizdiń kórermenderimiz ár túrli janrdaǵy, qyzyqty jelisi bar jáne ártister sóıleıtin tilderdiń sanalýandylyǵynda jatqan eýropalyq mádenı ártúrliliktiń baılyǵyn sezine alady, óz kezeginde, bul eshkimdi beı-jaı qaldyrmaıdy dep oılaımyn. Bıyl biz oqytý komponentin kúsheıtý maqsatynda Qazaqstannyń jas rejısserlerine kezdesý men tájirıbe almasýǵa alań usyndyq. Festıval kıno naryǵyn damytýǵa septigin tıgizip, Eýropanyń úzdik kınosyn usynatyn tuǵyrnamaǵa aınalýy qýantarlyq jaıt», - dep atap ótti Qazaqstandaǵy Eýropalyq Odaq Elshisi Sven-Olov Karlsson.
Festıval baǵdarlamasyn latvııalyq rejısser Renars Vımbanyń «Men osyndamyn» avtorlyq fılmi ashty. Ol – Berlın kınofestıvaliniń «14plus» sanatyndaǵy eń úzdik kórkem fılmi úshin «Hrýstal aıý» júldesiniń ıegeri. Vımbanyń fılmi – jalǵyzdyq, alǵashqy mahabbat jáne jasóspirimniń alǵashqy sátsizdikteri, synaqtary men eresek ómirdiń birinshi jeńisteri týraly oqıǵa.
6 qarasha kúni Turan Ýnıversıtetinde fılm jasaý, pıtchıng jáne derekti fılm túsirý taqyrybynda rejısserler Renars Vımba men Karolın Tırıonnyń kınematografısterge arnalǵan arnaıy master-klasstary ótedi.
Al 7 qarasha kúni festıvaldi Karolın Tırıonnyń «Mbýdha» derekti fılmi aıaqtaıdy. Kınofılmde Enn Lodısýanyń Kongo Demokratııalyq Respýblıkasyna jasalǵan ekspedısııasy kórsetilgen. Fılm Fransııanyń Grenobl qalasynda 2019 jyly ótken Les Clefs de l'Aventure festıvaliniń júldegeri.
Festıval fılmderi bedeldi Eýropalyq Cineuropa portalymen birge irikteldi. Fılmderdiń basym kópshiligi birneshe eýropalyq elderdiń birlesken óndirisimen shyǵarylǵan. Fılmder orys tilindegi sýbtıtrlermen birge túpnusqa tilinde kórsetiledi, sondaı-aq kórermenderge kirý tegin.