Asqar Mamınniń tóraǵalyǵymen ótken Úkimet otyrysynda QR Úkimetiniń zań jobalaý jumystarynyń 2020 jylǵa arnalǵan jospary qaraldy. Bul týraly primeminister.kz habarlady.
Ádilet vıse-mınıstri N. Pan Úkimettiń zań jobalaý jumystarynyń 2020 jylǵa arnalǵan josparynyń jobasy Elbasy N.Nazarbaevtyń strategııalyq nusqaýlary men Prezıdent Q.Toqaevtyń tapsyrmalaryn eskere otyryp ázirlengenin atap ótti. Qujat áleýmettik qamsyzdandyrý, dene shynyqtyrý jáne sport salasyn, arnaıy taýarlardy baqylaý, arnaıy memlekettik organdardyń qyzmetkerleri men áskerı qyzmetshilerdiń turǵyn úı qatynastary, vızýaldyq aqparat jáne t. b. salalardy odan ári damytýǵa baǵyttalǵan 16 zań jobasyn ázirleýdi qarastyrady.
Josparlanǵan zań jobalary Prezıdent Q. Toqaevtyń Joldaýyn iske asyrý jónindegi Jalpyulttyq is-sharalar josparymen tolyq sáıkes keledi jáne halyq úshin mańyzdy salalarda quqyqtyq qatynastardy jetildirýge baǵyttalǵan.
«Ádilet mınıstrligine salalyq memlekettik organdarmen birlesip, engizilip jatqan zań jobalarynyń sapasyna erekshe nazar aýdarý kerek»,- dedi A. Mamın.