Aqtaýda Mańǵystaý oblysy aýmaǵynda «Anti-fraud» jedel-profılaktıkalyq is-sharasy ótkizildi. Bul týraly Mańǵystaý oblystyq Polısııa departamentiniń baspasóz qyzmeti habarlady.
Is-sharanyń maqsaty – aqparattyq tehnologııalar salasyndaǵy qylmystardyń jolyn kesý. Mańǵystaý oblysy kóleminde ınternet-alaıaqtyq boıynsha 5 derek tirkeldi. Jedel-izdestirý barysynda 1 ashylmaı turǵan ınternet jelisi arqyly jasalǵan alaıaqtyq qylmys deregi ashyldy. Naqtyraq aıtqanda, Qaraqııa aýdandyq Polısııa bólimi Krımınaldyq polısııa bólimshesiniń qyzmetkerleri «Anti-fraud» jedel-profılaktıkalyq is-sharasy barysynda 2019 jyldyń qańtar aıynda belgisiz tulǵa qasaqana, paıdakúnemdik nıetimen «Whatsapp Messenger» áleýmettik jelisi arqyly jábirlenýshiniń 30 000 (otyz myń) teńge aqshasyn ıemdengisi kelip, «KIWI» ámııanǵa aqsha saldyrǵan. Atalǵan derek boıynsha shuǵyl-izdestirý sharasy nátıjesinde Qaraqııa aýdanynyń turǵyny ekeni anyqtalyp, ustaldy. Kúdiktiden moıyndaý jaýaby alyndy. Qaraqııa aýdandyq Polısııa bóliminiń sotqa deıingi tergeýdiń biryńǵaı tizimine QR QK-niń 24-3-baby, 190-baby 2-bóligi 4-tarmaǵymen tirkeldi. Taǵy bir aqparattyq tehnologııalar salasyndaǵy qylmys deregi taıaýda Aqtaý qalasynda boldy. Ǵalamtor jelisindegi Kizdar.net saıtyna ashyq túrde pornografııalyq sýretterin salǵany jáne jarnamalaǵany úshin О́zbekstan azamatshasy anyqtalyp, ustaldy. Bul derek QR QK-niń 311-babyna sáıkes SDTBT-ne tirkeldi. Qazirgi tańda sotqa deıingi tergeý amaldary júrgizilýde.
Mańǵystaý oblysy