Premer-Mınıstrdiń ókimimen Aıdyn Meırambekuly Kárimov Qazaqstan Respýblıkasy Premer-Mınıstriniń Keńsesi basshysynyń orynbasary laýazymyna taǵaıyndaldy. Bul týraly Premer-Mınıstrdiń Baspasóz qyzmeti habarlaıdy.
Aıdyn Kárimov 1988 jyly 1 qańtarda dúnıege kelgen. L. Gýmılev atyndaǵy Eýrazııa ulttyq ýnıversıtetin, Qazaq qarjy-ekonomıka akademııasyn, KAZGIýÝ ýnıversıtetin támamdaǵan.
Eńbek jolyn 2006 jyly bastaǵan. Túrli jyldary TJM «Esepteý tehnıkasy, telekommýnıkasııalar, ınformatıka jáne sıtýasııalyq taldaý» RMK, «AıTı-Servıs» JShS, «Ulttyq aqparattyq tehnologııalar» AQ, «Telekommýnıkasııalar salasyndaǵy tehnıkalyq súıemeldeý ortalyǵy» RMK, Astana jáne Semeı qalalary ákiminiń apparattarynda qyzmet etken.
2012-2016 jyldary Ekonomıkalyq damý jáne saýda mınıstrliginiń (qazirgi Saýda jáne ıntegrasııa mınıstrligi) Halyqaralyq ekonomıkalyq ıntegrasııany retteý departamenti dırektorynyń orynbasary, basqarma basshysy, bas sarapshysy bolyp jumys istedi.
2016 jyldan bastap Premer-Mınıstr Keńsesiniń qurylymynda jumys isteıdi: 2016-2017 jyldary — Syrtqy baılanystar jáne hattama bólimi meńgerýshisiniń orynbasary, 2017-2019 jyldary — Syrtqy baılanystar jáne hattama bóliminiń meńgerýshisi – Premer-Mınıstrdiń hattama shefi.
2019 jyldyń sáýir aıynan Premer-Mınıstr Keńsesiniń Syrtqy ekonomıkalyq yntymaqtastyq jáne hattama bóliminiń meńgerýshisi laýazymyn atqardy.