Jeke jáne zańdy tulǵalardyń ótinishterin qaraý jumystary sybaılas jemqorlyqqa qarsy qyzmettiń basym baǵyttarynyń biri bolyp tabylady, dedi Mańǵystaý oblysy óńirlik kommýnıkasııalar qyzmeti alańynda ótken brıfıngte Sybaılas jemqorlyqqa qarsy is-qımyl agenttigi Mańǵystaý oblysy boıynsha Departamenti tergeý basqarmasynyń asa mańyzdy ister jónindegi ofıseri Anar Mańqataeva.
Aǵymdaǵy jyldyń 9 aıy boıynsha Departamentke 633 ótinish kelip tússe, ótken jyldyń 9 aı qorytyndysynda 587 ótinish kelip túsken, ıaǵnı ótken jylmen salystyrǵanda azamattardyń bizdiń organǵa seniminiń artqandyǵy baıqalady.
Agenttiktiń halyqpen tyǵyz ózara baılanys ornatý maqsatynda qurylǵan Call-ortalyǵyna (1424) 26 ótinish kelip túsip, onyń 2-ýi boıynsha qylmystyq is qozǵalǵan.
Sybaılas jemqorlyq quqyq buzýshylyq faktileri oryn alǵan jaǵdaıda, barlyq azamattar 1424 nómiri boıynsha Call- ortalyqqa habarlasa alady jáne ol jóninde qupııalyq qamtamasyz etiledi, dedi ol.