Aqtaýda Mańǵystaý oblystyq ishki saıasat basqarmasy jáne «Azamattyq quqyq» jeke menshik uıymynyń uıymdastyrýymen «Jemqorlyqqa jol joq» atty taqyrypta marafon kvest ótkizildi. Bul týraly Mańǵystaý oblysynyń sybaılas jemqorlyqqa qarsy qyzmet departamenti baspasóz qyzmeti habarlady.
Sharaǵa Mańǵystaý oblysynyń sybaılas jemqorlyqqa qarsy qyzmet departamentiniń Aldyn alý jáne parasattylyq basqarmasynyń mamandary, memlekettik qyzmetshiler jáne «Jas Otan» jastar qanatynyń ókilderi qatysty.
Qatysýshylar tórt komandaǵa bólinip alty deńgeıden turatyn saıystardan ótti.
Bir ereksheligi ár tapsyrma ózine belgilengen jerde estafetalyq oıyndar, suraq-jaýaptar, foto baıqaý jáne qyzyqty oıyndar túrinde ótkizildi.
Nátıjesinde 4 komandanyń ishinde 1-shi oryndy «Adal» toby ıelenip, barlyq qatysýshy komandalarǵa dıplomdar tabystaldy.