Bıylǵy jylǵy fýtboldan Qazaqstan chempıonatynyń qola júldegeri Shymkenttiń «Ordabasy» klýby Abdýllaı Dıakatemen kelesimshartty 2020 jyldyń sońyna deıin uzartty.
31 jastaǵy Senegaldyń týmasy buǵan deıin Túrkııanyń «Kartalspor», «Sakarıaspor» jáne «Rızesport» klýbtarynda óner kórsetti. 2011 jyly ol Qazaqstanǵa kelip, «Tarazdyń» jeıdesin kıdi. Úsh maýsymda 83 márte jasyl alańǵa shyqqan Abdýllaı Dıakate 11 goldyń avtory atandy. 2014 jyly «Ordabasyda» oınasa, 2015 jyly «Atyraýdyń» quramynda óner kórsetti. Qos komanda sapynda qos goldan soqty. 2016 jyly qaıta Shymkentke oralyp, sol kezden beri aıtýly klýbtyń namysyn qorǵaýda.
2017 jáne 2019 jyldary Abdýllaı Dıakate «Ordabasymen» birge Qazaqstan chempıonatynyń qola júldesin ıelendi. О́tken maýsymda 29 kezdesý ótkizip, bes ret mergendik tanytty.