Oblys ákimi Nurlan Noǵaev apparattyq keńeste osylaı atap ótti.
Apparattyq keńes kezinde Nurlan Noǵaev Jeńistiń 75 jyldyǵyn merekeleýge daıyndyq máselesin kóterdi. О́ńir basshysy atap aıtqandaı, Jeńis meıramy tek merekelik sharalarmen shektelmeýi tıis.
- 9 mamyrǵa qazirden bastap kún saıyn yjdaǵatpen daıyndalý qajet. Máselen, maǵan Telegramm chat-kanalyna qala turǵyndarynan túrli ótinishter túsip jatady. Aıtalyq, taıaýda bir jergilikti turǵyn Jeńis saıabaǵynda ornatylǵan eskertkish taqtalardaǵy Uly Otan soǵysyna qatysýshylardyń aty-jónderindegi qatelerdi túzetýdi usyndy: Keńes Odaǵynyń batyry Kanseva dep kórsetilgen, Kansev dep túzetý qajet. Birinshi orynbasarym Serik Shapkenovke osy máselemen aınalysýdy tapsyramyn, - dep tapsyrma berdi Nurlan Noǵaev. -Budan bólek, Uly Otan Soǵysynyń ardagerleri kún saıyn bizdiń qamqorlyǵymyzdy sezinýi tıis. Oblysta Uly Otan soǵysynyń maıdandarynda shaıqasqandardan nebary 11 adam qalypty. О́kinishke qaraı, olardyń qatary jyl saıyn sırep keledi. Bizdiń olarǵa degen alǵysymyz tek 9 mamyrmen shektelmeýi kerek. Beıbit ómirdi qamtamasyz etken batyrlarymyzǵa degen bizdiń alǵysymyz sol – olardy udaıy qamqorlap, qoldaýymyz qajet.
Keńestiń qorytyndysymen quzyrly organdarǵa birqatar naqty tapsyrmalar berildi.
ATYRAÝ