Qurylys prosesteriniń ashyqtyǵyn arttyrý jáne turǵyn úı qurylysy sapasyn baqylaýdy qamtamasyz etý maqsatynda «E-Qurylys» biryńǵaı aqparattyq júıesi ázirlenip jatyr. Bul týraly Úkimette ótken baspasóz konferensııasynda Indýstrııa jáne ınfraqurylymdyq damý birinshi vıse-mınıstri Qaıyrbek О́skenbaev habarlady.
Onyń aıtýynsha, 2020-2025 jyldarǵa arnalǵan «Nurly jer» jańa baǵdarlamasy aıasynda turǵyn úı qurylysy elektrondy júıege aýystyrylady, onda árbir adam qurylystyń belgili bir kezeńin baqylaı alady. Kelesi jyldan bastap «Nurly jer» jańa baǵdarlamasy aıasynda «E-Qurylys» biryńǵaı aqparattyq júıesin engizý kózdelýde.
«Biz óńirlerdegi turǵyn úı qurylysynyń barysyn kóre alýymyz úshin biz bizdiń elimizde júrip jatóqan barlyq qurylystardy kórý múmkin bolatyn baǵdarlamany ázirleýdi ótindik. Qazir bul júıe ázirlendi», — dedi Q. О́skenbaev.
Nysandar qurylysy boıynsha barlyq málimetter Blockchain júıesiniń ashyq platformasyna engiziledi, onda barlyq derekter, onyń ishinde qurylys materıaldary men jumys qarqyny kórinedi.
Q. О́skenbaev atap ótkendeı, turǵyndarǵa arnalǵan jeńildikti turǵyn úı qurylysy barlyq qaýipsizdik talaptaryna saı keletin bolady.
«Jańa baǵdarlamala bizge turǵyn úı arzan ári qoljetimdi bolýy úshin eki nárseni úılestirý kerek. О́z baǵdarlamamyzda biz III jáne IV klasty turǵyn úılerge basymdyq beremiz, onda birinshi kezekte beriletin turǵyn úıdiń qaýipsizdigi qamtamasyz etiletin bolady», — dep qosty ındýstrııa jáne ınfraqurylymdyq damý birinshi vıse-mınıstri.
Aıte keteıik, «Nurly jer» baǵdarlamasy aıasynda jańa normatıvterdi, tıptik jobalardy, jalpymemlekettik mańyzy bar qala qurylysy jobalaryn ázirlep, eskilerin ózektendirý, sondaı-aq normatıvtik-quqyqtyq aktiler men tehnıkalyq qujattardy sıfrlandyrý arqyly sáýlet, qala qurylysy jáne qurylysy jumystaryn jetildirý sharalary qabyldanýda.
Osy jyldar ishinde eń kóp turǵyn úı Nur-Sultan, Almaty qalalarynda, Mańǵystaý, Aqtóbe oblystarynda paıdalanýǵa berildi. El boıynsha jyldyq jospar 13 mln sh.m. quraıdy. Turatyn bir adamǵa shaqqanda turǵyn úımen qamtylý kórsetkishi 21,9 sh.m. jetti.
Sonymen qatar, «Nurly jer» turǵyn úı-kommýnaldyq damý jańa baǵdarlamasynyń mindetteriniń bioi kúrdeli jóndeý júrgizýdi jáne turǵyn úı qorynyń renovasııasyn qarastyrady. Búginde elimizdegi turǵyn úı qorynda 78 myńnan asa kóppáterli úı bar, onyń ishinde 18 myń úı kúrdeli jóndeýdi talap etedi. 2020-2021 jyldary óńirlerge 30 mlrd teńge bólý josparlanǵan, bul aınalymdaǵy qarajat esebinen 700 úı men 126 úıdi jóndeýge múmkindik beredi.