22 qarashada Qazaq Ulttyq óner ýnıversıtetinde belgili etnograf, qazaqstandyq mýzykataný jáne kompozıtorlyq mekteptiń negizin qalaýshylardyń biri Aleksandr Vıktorovıch Zataevıchtiń 150 jyldyǵyn merekeleý aıasynda Qazaqstan Respýblıkasy Mádenıet jáne sport mınıstrligi «A. V. Zataevıch. Hattar. Qoljazbalar. Fotosýretter», «A. V. Zataevıch. Halyq ánderi men kúıleri» atty buryn jaryqqa shyqpaǵan týyndylarynyń prezentasııasyn jáne merekelik konsertti uıymdastyrady. Bul týraly mınıstrliktiń baspasóz qyzmeti habarlady.
Qazaqtyń dástúrli mýzyka úlgilerin jınaýshylar arasynda ánder men aspaptyq pesalar-kúılerdiń edáýir qomaqty jınaǵy orys-polıak kompozıtory, etnolog, mýzykatanýshy A.V. Zataevıchtiń enshisinde. Onyń mýzykalyq etnografııa salasyndaǵy eńbegi Qazaqstanda mýzyka týraly ǵylymnyń damýy úshin berik tuǵyr retinde, kóptegen odan keıingi zertteýler úshin ádistemelik negiz jáne zertteýshilik baza retinde qalyptasty. Kompozıtor retinde ol ulttyq kompozıtorlyq mekteptiń damýyna serpin berip, eýropalyq aspaptar úshin qazaq áýenderin notaǵa jazý ádisin ázirledi.
2019 jyly A.V. Zataevıchtiń 150 jyldyǵyn atap ótýge, onyń murasyn tanymal etýge, Qazaqstan men Reseı arasyndaǵy shyǵarmashylyq baılanystardy nyǵaıtý maqsatynda Qazaqstan Respýblıkasy Mádenıet jáne sport mınıstrligi birqatar mereıtoılyq is-sharalar uıymdastyryp, ótkizdi.
Bıylǵy jyldyń 6-7 maýsymynda Almaty qalasynda «Tulǵa, dástúr, mýzykalyq etnografııadaǵy mádenıet» atty halyqaralyq ǵylymı-tájirıbelik konferensııa ótti. Konferensııaǵa Qazaqstan, Reseı, Qyrǵyzstan, О́zbekstan, Ázirbaıjan, Bolgarııa jáne Vengrııa elderinen 55 zertteýshi qatysty, olardyń arasynda álemge tanymal ǵalymdar men jas ǵalymdar da bar.
11-12 qazanda P. I. Chaıkovskıı atyndaǵy Máskeý memlekettik konservatorııasynda «Álem halyqtarynyń mýzykasy. Zerdeleý problemalary: mádenı murany saqtaý (A. V. Zataevıchtiń 150 jyldyǵyna arnalǵan)» atty Halyqaralyq ǵylymı konferensııa uıymdastyryldy. Konferensııaǵa Qazaqstan, Reseı, AQSh, Ulybrıtanııa, Bolgarııa jáne О́zbekstan elderinen ǵalym-etnomýzykatanýshylar jáne shyǵystanýshylar qatysty.
12 qazanda Gnessınder atyndaǵy Reseı mýzyka akademııasynyń Úlken konsert zalynda N. Tilendıev atyndaǵy «Otyrar sazy» akademııalyq folklorlyq-etnografııalyq orkestriniń konserti uıymdastyryldy.
Qazaqstan Respýblıkasy Mádenıet jáne sport mınıstrligi A. V. Zataevıchtiń 150 jyldyǵyn merekeleýdiń birqatar is-sharalar qorytyndysy retinde etnograftyń budan buryn jarııalanbaǵan murasynyń prezentasııasyn uıymdastyryp otyr.
Shyndyǵynda A. V. Zataevıch HH ǵasyrdyń birinshi jartysyndaǵy qazaq dástúrli mýzykasynyń portretin qalyptastyrǵan iri tulǵa. Kitapta budan buryn jarııalanbaǵan notalyq jazbalar, óńdeýler, jeke jazǵan hattary jınalǵan. Qoljazbalardyń jáne fotomaterıaldardyń elektrondyq kóshirmesin alýǵa suranys berip, jumysty júıeli túrde júrgizgen Qazaqstan Respýblıkasy Mádenıet jáne sport mınıstrligi.