Búgin Májiliste Halyqaralyq ister, qorǵanys jáne qaýipsizdik komıtetiniń tóraǵasy Muhtar Erman Kanada Premer-mınıstriniń arnaıy ókili Stefan Dıon myrzamen kezdesti. Bul týraly Parlament Májilisiniń baspasóz qyzmeti habarlady.
Áńgime barysynda M.Erman Qazaqstan Kanadamen halyqaralyq arenada belsendi yntymaqtastyqqa daıyn ekendigin jetkizdi.
«Biz sizderdiń elderińizdegi parlamenttik saılaý barysyn nazardan tys qaldyrmadyq jáne jańa lıberaldy úkimetpen ózara tıimdi qatynastardy jalǵastyrýǵa nıettimiz», dedi depýtat.
Taraptar eki el arasyndaǵy jan-jaqty yntymaqtastyqty tereńdetýdiń keń perspektıvalary bar ekendigin atap ótti. Osy oraıda parlamentaralyq qarym-qatynastardyń aıryqsha róli týraly aıtyldy.
Atap aıtqanda, eki elde qurylǵan parlamentaralyq yntymaqtastyq toptarynyń áleýeti zor. Kezdesýge, sondaı-aq, Májilis depýtaty, «Qazaqstan-Kanada» parlamenttik tobynyń jetekshisi Serik Seıdýmanov jáne Kanadanyń Qazaqstandaǵy Tótenshe jáne О́kiletti Elshisi Nıkolas Brýsso qatysty.