Digital Centre ortalyǵynda Memleket basshysyna turǵyndar men el qonaqtaryna qyzmet kórsetetin elektrondy úkimet júıesi tanystyryldy. Bul týraly Aqorda habarlady.
Qasym-Jomart Toqaevqa eGov mobile mobıldi qosymshasy, Facebook, Vkontakte áleýmettik jelileri men Telegram messendjeri arqyly memlekettik qyzmet alýdyń jańa múmkindikteri men artyqshylyqtary kórsetildi. Sonymen qatar 2020 jylǵa qaraı memlekettik qyzmet kórsetýdiń 90 paıyzyn sıfrlyq formatqa kóshirý jospary týraly da aıtyldy.
– Bastysy – sapa men jedel qyzmet kórsetý. Biz joǵary tehnologııalardy paıdalanatyn aldyńǵy qatarly el bolýymyz kerek dep oılaımyn, – dedi Memleket basshysy.
Búginde Digital Centre ortalyǵynda 1220 adamnyń bıometrııalyq deregi tirkelgen. Osynyń arqasynda olar ózderiniń jeke qujattaryn kórsetpeı-aq memlekettik qyzmet ala alady. Ortalyq qashyqtan vıdeo-servıs arqyly qyzmet kórsetedi. Sondaı-aq elorda turǵyndary bul jerde sıfrlyq saýattylyq daǵdylaryn meńgeredi.