Short-trekten jańa maýsym jalǵasýda. Jaqynda AQSh pen Kanadadaǵy álem kýboginen oralǵan qazaqstandyq sportshylar kezekti jarysqa qatysý úshin Japonııaǵa ushyp ketti. Bul týraly Olympic.kz habarlady.
29 qarasha men 1 jeltoqsan aralyǵynda Japonııanyń Nagoıa qalasy short-trekten álem kýboginiń úshinshi kezeńin qabyldaıdy.
Komanda bas bapkeri Mádiǵalı Qarsybekov kýboktik kezeńde baq synaıtyn sportshylar tizimin jarııa etti.
Olar: Abzal Ájiǵalıev, Nurbergen Jumaǵazıev, Mersaıd Jaqsybaev, Nurtilek Qajyǵalı, Ádil Ǵalıahmetov, Erkebulan Shamuhanov, Olga Tıhonova jáne Alena Volkovıtskaıa. Álem kýboginiń tórtinshi kezeńi 8-10 jeltoqsan kúnderi Qytaıdyń Shanhaı qalasynda ótpek.
Aıta keteıik, AQSh-ta ótken álem kýboginde qazaqstandyq Abzal Ájiǵalıev 500 metrge jarysýdan qola júldeger atandy.