Almaty oblysynda mektepke deıingi bilim berý kórsetkishi joǵary deńgeıde. Búginde aımaqtyń 7 aýdany men 2 qalasynda balabaqshamen qamtý deńgeıi 100 prosentke jetken.
Derek boıynsha Alakól, Aqsý, Balqash, Kóksý, Kegen, Sarqan, Uıǵyr aýdandary men Qapshaǵaı jáne Tekeli qalalarynda balalardyń mektepke deıingi bilimmen qamtylýy tolyqtaı sheshilgen. Alaıda, balabaqshaǵa suranys Eńbekshiqazaq, Qarasaı, Talǵar, Ile aýdandary men Taldyqorǵan qalacynda áli de azaımaı otyr.
Bul máseleni sheshý úshin bıyl 529 orynǵa arnalǵan 75 mektepke deıingi bilim berý uıymyn ashý josparlanǵan. Súıinerligi, balabaqsha salý men ashý isine jeke kásipkerler tarapynan suranys joǵary. Jyl sońyna deıin memleket pen jekemenshik áriptestigi negizinde 5250 orynǵa laıyqtalǵan alpys bes mekeme paıdalanýǵa beriledi.
Jalpy, bıyl Almaty oblysynda 1169 mektepke deıingi mekeme jumys isteıdi, olarda84137 bala tárbıe men bilim alyp jatyr.