Jetisý ólkesindegi jylyjaı óndirisi jaqsy jolǵa qoıylǵan óńirdiń biri – Uıǵyr aýdany. Búginde aýdanda zamanǵa saı tehnologııamen jabdyqtalǵan 5 jylyjaı jumys istep tur. Jalpy aýmaǵy 10,4 gektar aýmaqty alyp jatqan óndiriste ótken 6 aı ishinde 1200 tonnadan astam ónim jınalǵan.
Qaradalada ósken kókónis ónimine suranys joǵary eken. Qazir jylyjaıdan jınalǵan qyzanaqtyń 500 tonnasy Reseıge jóneltilipti. Kórshi eldiń naryǵyna jasalǵan qadam sátti bolyp, aldaǵy kúnderi tapsyrys kólemi arta túsedi degen senim bar. О́ıtkeni, qyzanaq ónimi jylyjaıda óskenimen, tabıǵı nárden ajyramaǵan, ıaǵnı, jasandy qospa sińbegen. Naryqta qazir osyndaı tabıǵı ónimge qyzyǵýshylyq joǵary.
Aıtpaqshy, Qaradala tósinde baý-baqsha kólemi jyl saıyn jaıqalyp ósip, kóbeıýde. Búginde aýdanda 623 gektar baq bar. Onyń ishinde 513 gektarǵa abrıkos aǵashy, 40 gektarǵa alma aǵashy otyrǵyzylǵan eken. Jalpy, jemis-jıdek baqtarynyń kólemi 4532 gektarǵa jetse, 1860 gektarynan ónim alyndy. Sondaı-aq aýdanda almanyń «Aport» sortyn ósirý jolǵa qoıylypty, qazir 380 gektardy quraıtyn baqta tek osy jemis túri ósedi. Júzim baǵynyń kólemi 635 gektarǵa jetken. Kútip, baptaý isiniń bári jańa tehnologııada júredi. Onyń ishinde 473 gektar baqta tamshylatyp sýarý ádisi qoldanylady.
- Aýdanymyz aýyl sharýashylyǵyna ıek súıegenimen, qaıta óńdeý óndirisin de damytyp otyrmyz. Qazir elde 15 ónerkásip ónimderin óndeıtin kásiporyn bar. О́tken 9 aıda 1 mlrd 585 mln teńgelik ónim óndirilip, byltyrǵy jyldyń sáıkes kezeńimen salystyrǵandaǵy tabys kólemi 100,2 prosentti qurady. Al shaǵyn jáne orta kásip baǵytynda 7639 adam kásipkerlikpen aınalysyp, esepti merzimde 5 mlrd 702 mln 214 myń teńgelik taýar ónimin óndirdi. Iаǵnı, aýdan bıýdjetine 402 mln 576 myń teńge osy shaǵyn kásipten tústi, - deıdi Uıǵyr aýdanynyń ákimi Shýhrat Nurahýnov.
Jalpy Uıǵyr aýdanynda bıylǵy jyl qorytyndysy boıynsha áleýmettik-ekonomıkalyq damýdyń barlyq baǵyttary boıynsha oń ósim baıqaldy. Atap aıtqanda, agrarlyq sektorda ǵana ótken 9 aıda aralyǵynda jalpy quny 18 mlrd teńgeden astam ónimi óndirilipti.