Depýtattar «Atameken» UKP basshylyǵymen kezdesti

Basty maqsat – kásipkerlikti damytý maqsattary jáne birjyldyq jumys qorytyndylary men aldaǵy josparlardy talqylaý.

Osy oraıda Nurlan Nyǵ­ma­týlın Májilis depýtattary men «Atameken» ulttyq palatasynyń kezdesýi jyl saıyn ótkizilip kele jatqan dástúrli sharalardyń biri ekenin jáne el ekonomıkasyn kú­sheı­týdiń qýatty memleket bolý­dyń basty tiregi – bıznes ekenin alǵa tartty.

– Qazaqstannyń Tuńǵysh Prezı­denti – Elbasy Nursultan Ábishuly Nazarbaevtyń qoldaýymen quryl­ǵan «Atameken» UKP elimizde kásipkerlikti damytýǵa tyń serpin berdi. Búgingi kúni Memleket basshysy  Qasym-Jomart Toqaev bıznesti damytý boıynsha jańa mindetter júktedi. Osyǵan baılanysty búgin aldaǵy maqsattar men mindetterdi júzege asyrýdyń jáne ony zań jaǵynan qoldaýdyń joldaryn talqylaıtyn bolamyz, – dedi N. Nyǵmatýlın.

Elimizde kásipkerlikti damy­týdyń mańyzdylyǵyna toqtalǵan Pa­lata Spıkeri 2017 jyly Máji­lis pen «Atameken» UKP arasynda 2017-2018 jyldarǵa arnalǵan Qa­zaqstan Úkimetiniń zań jobalaý jumystary josparlary aıasynda yntymaqtastyq týraly memorandýmdy júzege asyrý jóninde Jol kartasynyń nátıjelerine toqtaldy.

Kezdesýde «Atameken» Tóral­qasynyń tóraǵasy Tımýr Qulybaev «Atameken» ulttyq kásipkerler palatasy qyzmetin bastaǵan bıznes pen bılik organdary arasyndaǵy tıimdi tetikke aınalǵanyn atap ótti. Májilis depýtattarymen birlese atqarǵan jumystyń arqasynda Qazaqstan bıznesi tıisti zańnamalyq qujattarmen qorǵalǵanyn, qabyldanǵan zań­dardyń barlyǵynda «Atameken» UKP ustanymdary eskerilgenin aıtty.

Májilis Tóraǵasy Nurlan Nyǵ­matýlın men «Atameken» UKP Tóralqasynyń tóraǵasy Tı­mýr Qulybaev 2020 jylǵa arnal­ǵan Májilis pen «Atameken» Qazaqstan Respýblıkasynyń Ult­tyq kásipkerler palatasy yn­ty­maqtastyǵynyń Jol kartasyna qol qoıdy. Endi jańa qujatqa sáıkes, Májilis depýtattary men kásipkerler qaýymdastyǵy aldaǵy jyly 9 mańyzdy baǵyt boıynsha jumysty jalǵastyrmaq.

Kezdesý barysynda «Atameken» UKP Basqarma tóraǵasynyń orynbasary Rústem Júrsinov, Basqarma tóraǵasynyń birinshi orynbasary Eldar Jumaǵazıev taqyryp tóńireginde sóz sóıledi.

Talqylaý kezinde Májilis depýtattary kásipkerlik salasyndaǵy ózekti máselelerdi kóterip, usynys-pikirlerin jetkizdi, dep habarlady Parlament Májilisiniń baspasóz qyzmeti.