Sońǵy kezderi Jambyl oblysynyń saıası ómirinde birqatar aýys-túıistiń oryn alǵany belgili. Búgin Jambyl oblysynyń ákimi Asqar Myrzahmetov Taraz qalasynyń aktıvine shahardyń jańa basshysyn tanystyrdy.
Qazaqstan Respýblıkasy Prezıdenti Ákimshiliginiń jáne Taraz qalalyq máslıhatynyń kelisimimen Taraz qalasynyń ákimi bolyp Aıtqazy Qarabalaev taǵaıyndaldy. Jıyn barysynda Asqar Myrzahmetov eki myń jyldan astam tarıhy bar Taraz qalasynyń ákimine júkteletin jaýapkershiliktiń joǵary ekenin aıtyp ótip, jańa ákimge oblys ortalyǵyndaǵy áleýmettik jáne ekonomıkalyq ahýaldy kóterý maqsatynda naqty tapsyrmalar berdi.
Taraz qalasyna ákim bolyp taǵaıyndalǵan Aıtqazy Qarabalaev kezinde Jambyl oblysynyń Jýaly jáne Talas aýdandaryn basqarǵan. Sońǵy kezde «QazTransGazAımaq» AQ Túrkistan oblystyq óndiristik fılıalynyń dırektory laýazymynda bolǵan.