Almaty oblysynyń taýly aımaǵy – Narynqol topyraǵyn «Kartoptyń Otany» dep tekke aıtpaǵan. Ishki-syrtqy naryqty «ekinshi nan» ónimimen qamtyp otyrǵan aýdannyń sharýalary bıyl da qomaqty tabysqa keneldi.
О́tken 10 aıdyń qortyndysy boıynsha Raıymbek aýdanynda óndirilgen aýyl sharýashylyǵy óniminiń jalpy quny 25,7 mlrd teńgeni qurapty. Jıyn-terimniń túsimi áli tolyq eseptelip bolmaǵandyǵyn eskersek, bulkórsetkish áli de ósip, 26,7 mlrd teńgeni quraıdy degen boljam bar.
Aýdanda negizinen kartop ósiriledi. Jalpy sońǵy jyldar aralyǵynda Raıymbek óńirinde osy kartap egistiginiń kólemi 10 esege artqan eken. Bul jergilikti jurttyń jappaı jer emip, nesibesin eńbekten tabýǵa jumylǵanyn kórsetedi. Qazir aýyldaǵy aǵaıyn kartop egistiginiń kólemin 700 gektarǵa ulǵaıtyp, jınalatyn ónimdi 380 sentnerge deıin jetkizip otyr. Bıyl da kartop 6 myń gektarǵa sebilip, odan 123 myń tonna ónim alyndy.
-Aýdandaǵy sharýa qojalyqtary memlekettiń kómegimen 240 tonna gollandııalyq «Sante» jáne «Agrııa» sorttary satyp aldy. Nátıjesinde kartop egý kólemi buryndary 70 gektar bolsa, qazir kórsetkish 10 esege ósip, 700 gektarǵa jetkizildi. Jańa tuqymnyń, jańa tehnologııanyń arqasynda ónimdilik te artty. Buryn ár gektarynan 170-180 sentnerden kartop alynatyn bolsa, endi 380 sentnerge deıin ónim jınadyq, deıdi Raıymbek aýdanynyń ákimi Nurjan Qudaıbergenov.