Bıylǵy 5-6 jeltoqsanda Qazaqstan Prezıdenti Qasym-Jomart Toqaev Germanııa Federatıvtik Respýblıkasyna resmı saparmen barady. Bul týraly Memleket basshysynyń baspasóz hatshysy Berik Ýálı Facebook paraqshasynda jazdy.
Sapar barysynda Kansler Angela Merkelmen kelissóz júrgiziledi jáne Qazaqstan men Germanııa arasyndaǵy ekijaqty ózara qarym-qatynastardyń qazirgi jaǵdaıy men damý perspektıvalaryn qarastyrady dep josparlanǵan. Sapar baǵdarlamasyna Memleket basshysynyń Prezıdent Frank-Valter Shtaınmaıermen jáne Býndestag tóraǵasy Volfgang Shoıblemen kezdesýi engizilgen.
Qasym-Jomart Toqaev 6 jeltoqsanda Berlınde kórnekti saıası jáne qoǵam qaıratkerleriniń, Germanııanyń memlekettik organdary ókilderiniń, «Germanııa – Ortalyq Azııa» parlamenttik dostyq toby músheleriniń aldynda sóz sóıleıdi, Berlın eýrazııalyq klýbynyń 28-otyrysyna qatysady. Sondaı-aq nemis kompanııalarynyń basshylarymen kezdesý ótkizedi.