Konkýrs jeńimpazdary marapattaldy

Premer-Mınıstr­diń orynbasary Berdibek Sapar­baev mesenattar men kásipker­lerdi «Shapaǵat» medalimen, Prezıdent pen Premer-Mınıstrdiń atynan alǵys hattarmen marapattady. Parlament Májilisi Áleýmettik-mádenı damý komı­tetiniń tóraıymy Gúlshara Ábdi­qa­lyqova ardagerlerge «Eńbek arda­geri» medalin tabystady.

«Adamdy adam etken – eńbek. Biz eń­bek­kerlerdiń aldynda basymyzdy ıemiz. Elbasy aıtqandaı, halyq ómiri­niń jaqsy bolýy, jaǵ­daılarynyń túzelýi eń­bekke baılanysty. Son­dyq­tan memleket óz halqy úshin eńbek etýine bar­lyq jaǵdaıdy ja­saıdy. «Eńbek» baǵdar­lamasy­nyń eń negizgi mindeti – qazaq­stan­dyq­tar­dyń eńbek etip, otbasyn asyraýǵa, el ekonomıkasyn damytýǵa jaǵdaı jasaý. Jańadan ashylǵan kásiporyndar men bıznes ny­san­dar negizinen soǵan arnalǵan. Úki­mettiń eń negizgi mindetteriniń biri – ha­lyqqa jaǵdaı jasap, óz kásibin ashýyna kómektesý, qoldaý», dedi Vıse-premer.

Elbasynyń Jalpyǵa ortaq eńbek qoǵamyn qurý ıdeıa­syn júzege asyrý maqsatynda 2016 jyldan bastap ótki­zilip kele jat­qan konkýrs «Úzdik eń­bek áýleti», «Ju­mys isteıtin jastar­dyń úzdik tálim­geri» jáne «О́ndiristiń úz­dik jas jumys­keri» sııaqty úsh nomı­na­sııadan turady. Bıyl «Úzdik eńbek áýleti» atalymynda elordalyq Eńse­baevtar áýleti 1-orynǵa, Shyǵys Qa­zaqstan oblysynan kelgen Saǵadıev­ter áýleti 2-orynǵa, al aty­raýlyq Juma­ǵa­lıevterdiń ustaz­dar áýleti 3-orynǵa ıe boldy. «Jumys isteıtin jastardyń úzdik tálim­geri» no­mınasııasynda Aqmola obly­synyń Tehnıkalyq baqylaý bóliminiń baqy­laýshysy Maıra Isaeva jeńiske jetti. Shymkent qalasynyń sement óndirý jónindegi ınjener-tehnology Es­kendir Rústemov 2-orynǵa, Qaraǵan­dy oblysynyń aýa bólý qondyr­ǵy­larynyń apparatshysy Dáýlet Ejı­baev 3-orynǵa ıe boldy. «Úzdik jas óndiris jumyskeri» nomınasııasynda soltústikqazaqstandyq jalpy tájirıbelik dá­riger Iýlııa Shev­chenko top jardy. Qostanaı oblysynyń lo­gıs­tıka já­ne qoıma saqtaý sheberi Vla­dımır Sa­mo­dýrov 2-orynǵa turaq­tady. Pavlodar oblysynan kelgen teh­no­lo­gııalyq sorǵy mashınısi Asqar Nur­­­ǵalıevqa 3-oryn buıyrdy. Baıqaý jeńim­paz­dary 1-oryn úshin – 1 mln teń­ge, 2-oryn úshin – 500 myń teńge, 3-oryn úshin 200 myń teńge kóle­min­­de aqshalaı sertıfıkattarmen marapattaldy.