Shymkent qalasynda jumysy toqtap turǵan jip ıirý fabrıkasy qaıta iske qosyldy. Bul jumystar Elbasy N.Á.Nazarbaevtyń «Qarapaıym zattar ekonomıkasy» jobasy aıasynda júzege asty. Al ózbekstandyq ınvestorlar fabrıkaǵa birqatar jóndeý-qalpyna keltirý jumystaryn júrgizip, onyń qaıta iske qosylýyn qamtamasyz etti.
Birlesken toqyma óndirisi jolǵa qoıylady
Atalǵan óndiris oshaǵynyń ashylýyna Premer-Mınıstr Asqar Mamın, Shymkent qalasynyń ákimi Erlan Aıtahanov pen О́zbekstan eliniń «Alliance Textile» JО́KQ dırektorlar keńesiniń tóraǵasy Ikramojon Egamberdıev qatysty.
Úkimet basshysy fabrıkany iske qosý Qazaqstannyń toqyma klasterin damytýǵa zor serpin beretinine senim bildirdi.
«Qazaqstannyń ınvestısııalyq qory» AQ jáne «Alliance Textile» О́zbek jeńil ónerkásip kásiporyndary qaýymdastyǵynyń birlesken kásiporny – «Alliance» Saýda-ónerkásip palatasy» JShS jip ıirý fabrıkasynyń jobasy bıyl maýsym aıynda iske asyryla bastaǵan. Atalǵan joba Qazaqstan jáne О́zbekstan úkimetteriniń arasynda birlesken toqyma klasterin qurý týraly qol jetkizilgen kelisimderdiń nátıjesinde qarqyndy jumys istep keledi.
Taraptardyń kúsh-jigeriniń nátıjesinde jumysy toqtap turǵan fabrıkaǵa qysqa ýaqyt ishinde jóndeý-qalpyna keltirý jumystary júrgizilip, kommýnaldyq qyzmetter tartylǵan.
«Tuńǵysh Prezıdent – Elbasy Nursultan Nazarbaev bizdiń aldymyzǵa «Qarapaıym zattar ekonomıkasyn» damytý mindetin qoıdy, onda jeńil ónerkásipke erekshe ról beriledi. Biz onyń alǵashqy nátıjelerin kórip otyrmyz. Memleket basshysy Qasym-Jomart Toqaev Qazaqstan ekonomıkasynyń shıkizattyq emes sektorlaryna sheteldik ınvestısııalardy tartýdyń mańyzdylyǵyn birneshe ret atap ótti. О́zbekstannyń toqyma ónerkásibin damytýdaǵy oń tájirıbesin eskere otyryp, bıyl 22 maýsymda ótken Qazaqstan men О́zbekstan arasyndaǵy yntymaqtastyq jónindegi Birlesken úkimetaralyq komıssııanyń 18-shi otyrysy aıasynda Shymkent qalasynda toqyma klasterin birlesip iske qosý týraly kelisimge qol qoıyldy», dedi Asqar Mamın.
Iske qosylǵan jip ıirý fabrıkasynda 120 jumys orny ashylyp, jylyna 6 myń tonna maqta talshyǵyn óńdeýdi kózdep otyr. Kórshiles О́zbekstan Respýblıkasynyń ınvestorlary tarapynan quıylatyn ınvestısııalardyń jalpy kólemi shamamen 4,6 mlrd teńgeni qurady.
Atalǵan fabrıkany iske qosý Shymkentte toqyma klasterin qalpyna keltirý boıynsha Jol kartasynyń birinshi kezeńi bolyp tabylady. Iаǵnı, bıyl ońtústikte óndiriletin maqtanyń 20 paıyzyn qamtysa, keler jyly 50 paıyzǵa jetkizý josparlanýda. Jalpy toqyma klasterin qalpyna keltirý boıynsha jasalǵan Jol kartasynyń negizgi maqsaty – óńirde óndiriletin maqtanyń 100 paıyzyn qamtý. Ońtústikte óndiriletin maqtanyń barlyǵyn tolyǵymen Shymkent qalasynda óńdeý – úshinshi megapolıstiń ekonomıkasyn damytý jolynda atqarylyp jatqan aýqymdy jumystardyń biri.
Aldaǵy jospar boıynsha óńirde maqta sharýashylyǵyna qajetti qosymsha eki fabrıkany iske qosý josparlanǵan. Bul Qazaqstanda óńdeletin maqta kólemin 2 esege arttyrýdy qamtamasyz etip, nátıjesinde 800 jańa jumys orny ashylmaq.
Qurylys jumystary merziminde tapsyrylýy tıis
Premer-Mınıstr Asqar Mamın Tuńǵysh Prezıdent – Elbasy Nursultan Nazarbaevtyń Indýstrııalyq-ınnovasııalyq damý, «Qarapaıym zattar ekonomıkasy» baǵdarlamalaryn, sondaı-aq Memleket basshysy Qasym-Jomart Toqaevtyń Shymkent pen Túrkistan oblysyn áleýmettik-ekonomıkalyq damytý boıynsha bergen tapsyrmalaryn iske asyrýdy qamtamasyz etý aıasynda Túrkistan óńirine jumys saparymen keldi.
Sapar barysynda A.Mamın Túrkistan qalasyndaǵy halyqaralyq áýejaıdyń jáne oǵan aparatyn avtomobıl jolynyń qurylysyn, sondaı-aq amfıteatrdyń, drama teatrynyń, oblystyq ǵylymı-ámbebap kitaphana, «Uly dala eli» ortalyǵy, Q.A. Iаsaýı mýzeıi, Uly Jibek joly qolónershiler ulttyq ortalyǵy men kelý ortalyǵy ǵımarattaryndaǵy jumys barysyn, rekonstrýksııasyn tekserdi. Túrkistannyń irgesindegi Shaǵa aýylynda salynyp jatqan jańa áýejaıdyń qurylysyn tikushaqpen baqylady. Bıyl mamyr aıynda irgetasy qalanǵan áýejaı keleshekte halyqaralyq jáne ishki reısterde saǵatyna 250 adam qabyldaýǵa qaýqarly bolmaq. Qurylys jumystaryn túrkııalyq «IDA INShAAT» kompanııasy júrgizýde. Túrkistan qalasynan 16 shaqyrym qashyqtyqta ornalasqan áýejaıdyń aýmaǵy 905,3 gektardy alyp jatyr. Qurylys jumystaryna 420 adam tartylǵan halyqaralyq termınaldy 2020 jyldyń jeltoqsan aıynda paıdalanýǵa berý josparlanǵan. Sondaı-aq halyqaralyq áýejaıǵa baratyn joldyń sapasymen de tanysyp kórdi. Tamyz aıynda bastalǵan jol qurylysy oblystyq jolaýshylar kóligi jáne avtomobıl joldary basqarmasynyń tapsyrysymen salynyp jatyr. Uzyndyǵy 16,3 shaqyrym bolatyn jol qurylysy keler jyldyń jeltoqsanynda aıaqtalady dep kútilýde.
Úkimet basshysy Túrkistan qalasyndaǵy ákimshilik iskerlik ortalyǵynyń qurylys barysymen tanysyp, nysandardaǵy jumysty qarqyndatýdy tapsyrdy. Al Túrkistan turǵyndarynyń ıgiligine beriletin amfıteatr ǵımaratynyń qurylysy bıyl sáýir aıynda bastalǵan. Nysan taıaý kúnderi paıdalanýǵa beriledi dep kútilýde. Mańǵystaý oblysy ákimdiginiń syıy retinde salynǵan nysan 1 myń orynǵa laıyqtalǵan. Zamanaýı keshenniń jalpy kólemi 2400 sharshy metrdi quraıdy. «Rýhanı-mádenı ortalyq» aımaǵyndaǵy 0,56 gektar jerge júrgizilip jatqan qurylys alańynda 60 jumysshy eńbek etýde. Úkimet basshysy munan keıin Aqtóbe óńiriniń tartýy retinde salynyp jatqan drama teatrdyń qurylysymen tanysty. Atalǵan nysan Túrkistan men Aqtóbe oblystarynyń birigip qarjylandyrýymen júzege asýda. 4 qabattan turatyn ǵımarattyń jalpy kólemi – 9700 sharshy metr. Ǵımaratta 510 adamǵa arnalǵan kórermen zaly, arnaıy avtoturaq orny bolady. Jańa drama teatrdyń qurylysy 2020 jyldyń qazanynda aıaqtalady dep josparlanǵan.
Premer-Mınıstr 630 tósek-orynǵa shaqtalǵan kópsalaly oblystyq aýrýhana qurylysy júrgiziletin jerge kapsýla saldy. Jobany 2022 jyly memleket-jekemenshik áriptestik aıasynda «YDA Holding» túrik ınvestory júzege asyrady. Nysannyń quny – 100 mlrd teńgege jýyq, 350 dárigerdi qosa alǵanda, medısına personaly úshin 1700-ge jýyq jańa jumys orny qurylady. Jalpy aýmaǵy 16 gektar jerdi alatyn kópsalaly aýrýhanada dıagnostıkalyq keńes kórsetýden bastap, neırohırýrgııa, ýrologııa, jaraqat, qaterli isik aýrýlary syndy medısınalyq kómek kórsetetin bólimder jumys isteıtin bolady. Ǵımarat tolyqtaı zamanaýı medısınalyq qural-jabdyqtarmen qamtamasyz etilmek. Úkimet basshysy sondaı-aq jańadan salynyp jatqan mádenı nysandardyń da qurylysyn aralap kórdi. Jańa ákimshilik-iskerlik ortalyǵynan boı kóterip jatqan «Uly dala eli» ortalyǵy 2020 jyly ashylady dep josparlanǵan. Aǵymdaǵy jyldyń sáýir aıynan bastalǵan qurylys jumystaryn «BI Construction turkestan» kompanııasy júrgizýde. Atyraý oblysy ákimdiginiń tapsyrysymen boı kóterip jatqan ortalyqtyń aýmaǵy – 6200 sharshy metr. Al oblystyq ǵylymı-ámbebap kitaphanasynyń qurylysyn Shymkent qalasynyń ákimdigi qarjylandyrýda. 1 gektar aýmaqta ornalasqan nysannyń qurylysy keler jyldyń osy aıynda paıdalanýǵa berilmek. Sonymen qatar shahardyń rýhanı-mádenı aımaǵynda «Samuryq-Qazyna» UÁQ AQ tapsyrysymen Qoja Ahmet Iаsaýı murajaıynyń qurylysy júrgizilýde. Al týrıstik vızıt ortalyǵy – Otyrar qoryq-mýzeıiniń bazasynda salynýda. Aýmaǵy 2200 sharshy metr bolatyn sáýletti ǵımaratty salýǵa Jambyl oblysy tapsyrys berip otyr.
Úkimet basshysy, sonymen qatar «Sembol construction» túrik kompanııasy salatyn, quny 39 mlrd teńgege jýyq bolatyn «Kerýen-saraı» kópfýnksııaly týrıstik keshen qurylysyn iske qosty. Sondaı-aq Qazyǵurt aýdany Maılyoshaq aýylynda salynǵan jańa zaýyttyń ashylý rásimine qatysty. Zaýytta jyldam ázirlenetin tamaq ónimderi shyǵarylady. Álemdegi asa iri jyldam ázirlenetin kespe óndirýshi – «CG Foods Central Asia» kompanııasy jobaǵa 5,7 mlrd teńge ınvestısııa saldy. Shyǵarylatyn ónim kólemi jylyna 4,5 myń tonnadan asady dep josparlanǵan. О́ndiris prosesinde tek otandyq shıkizat paıdalanylmaq. О́nimdi ishki naryqqa ǵana emes, eksportqa shyǵarý kózdelýde.
Túrkistan qalasynda Premer-Mınıstr qalany damytý máseleleri jóninde keńes ótkizdi. Atqarylyp jatqan jumystar barysy týraly Túrkistan oblysynyń ákimi О́.Shókeev, Mádenıet jáne sport mınıstri A.Raıymqulova, Atyraý oblysynyń ákimi N.Noǵaev, Aqtóbe oblysynyń ákimi O.Orazalın, Shymkent qalasynyń ákimi E.Aıtahanov, sondaı-aq basqa óńirler men qala qurylysyna jaýapty merdigerler ókilderi baıandady. Tuńǵysh Prezıdent – Elbasy N.Nazarbaev jáne Memleket basshysy Q.Toqaev Túrkistan qalasynyń damýyna erekshe kóńil bólip otyr. Premer-Mınıstr qurylys jumystaryn sapaly júrgizip, merziminde aıaqtaýdy tapsyrdy.
Nurshat TО́KEN,
Ǵalymjan ELShIBAI,
«Egemen Qazaqstan»
Túrkistan oblysy