Almatyda tarıhshy ǵalym, memleket qaıratkeri Aqaı Núsipbekovtiń mereıtoıyna oraı konferensııa ótti.
Qazaq tarıhshysy, kórnekti qoǵam qaıratker, ǵalym, tarıh ǵylymynyń doktory Aqaı Núsipbekovtiń týǵanyna 110 jyl. Osy oraıda Almatyda IV Núsipbekov oqýlary aıasynda «Aqaı Núsipbekov jáne uly dala tarıhynyń zerttelýi» atty respýblıkalyq ǵylymı-tájirıbelik konferensııa ótti.
Onda ǵalymnyń otandyq tarıh ǵylymynyń damýy jolynda qarymtaly etken eńbekteri, ult-azattyq qozǵalystar tarıhy týrasynda, qazaqstandyqtardyń Uly Otan soǵysyndaǵy erlikterine arnalǵan zertteýleriniń mańyzdylyǵy sóz boldy.
«Aqaı Núsipbekovtiń tarıhshy ǵalym, memleket qaıratkeri, ǵylymı uıymdastyrýshy retinde eńbegin nasıhattaýymyz kerek. Jas urpaqqa aıtýymyz kerek. Bul tarıh sabaqtastyǵy. Elimiz osyndaı uly tulǵalaryn dáripteý arqyly ótkenin bilý kerek. О́tkenin bilý arqyly bolashaǵyn aıqyn túsinýi kerek», - dedi Sh. Ýálıhanov atyndaǵy Tarıh jáne etnologııa ınstıtýtynyń HH ǵasyrdaǵy Qazaqstan tarıhy bóliminiń meńgerýshisi Sábıt Shildebaı.
Aqaı Núsipbekov 1932 jyly Almaty aýyl sharýashylyq tehnıkýmyn bitirip, osy oqý ornynyń oqytýshysy, dırektory, Qazaqstan KP Almaty oblysy kommıtetiniń sektor meńgerýshisi boldy. 1937–1939 jyldary Qazaqstan KP OK-niń mádenı-aǵartý bóliminiń meńgerýshisi, Semeıdegi ujymshar basshylaryn daıarlaıtyn respýblıkasynyń oqý ornynyń dırektory (1939–1941) qyzmetterin atqardy. Úly Otan soǵysy jyldary I.V. Panfılov dıvızııasynda batareıa komıssary, dıvızııanyń saıası bóliminiń qyzmetkeri bolǵan. 1945 jyldan Qazaq SSR ǵylym akademııasynyń Sh.Sh.Ýálıhanov atyndaǵy tarıh, arheologııa jáne etnografııa ınstıtýtynyń bólim meńgerýshisi boldy. 1946–1956 jyly Qazaqstan Ǵylym Akademııasynyń Tarıh, arheologııa jáne etnologııa ınstıtýtynyń kishi, aǵa ǵylymı qyzmetkeri, bólim meńgerýshisi (1953–1956), ınstıtýt dırektory (1956–1982), Qazaqstan Ǵylym Akademııasynyń vıse-prezıdenti boldy (1968–1976).
Onyń ǵylymı jetekshiligimen ondaǵan ǵalym kandıdattyq jáne doktorlyq dıssertasııa qorǵady. A.Núsipbekov Qaz. SSR tarıhy salasynda 100-den asa ǵylymı eńbek, birneshe kólemdi monografııa jazdy. Núsipbekovtyń ǵylymı qyzmeti Qazaq Keńes memleketiniń qúrylýy jáne nyǵaıýy, qazaq jerleriniń birtútas memleket sheńberinde toptastyrylýy, Qazaqstan júmysshy tabynyń qalyptasýy men damýy, Qazaqstan eńbekshileriniń Úly Otan soǵysy jyldarynda maıdandaǵy erlikteri men tyldaǵy qajyrly eńbegi, tarıhty búrmalaýshy býrjýazııashylardy áshkereleý sııaqty kúrdeli de mańyzdy taqyryptarǵa arnalǵan.
Qazaqstannyń Reseıge qosylýynyń nátıjeleri týraly, qazaq sharýalarynyń E.I. Pýgachev jetekshilik etken sharýalar soǵysyna, Syrym batyr bastaǵan kóteriliske qatysýy jaıynda tyń pikirler aıtyp, ǵylymı tújyrymdar jasady.
A.Núsipbekov — eki tomdyq Qazaq KSR tarıhynyń negizgi avtorlarynyń biri.
Qazaqstanda júmysshy tabynyń qalyptasýy týraly eńbegi úshin oǵan Sh. Ýálıhanov atyndaǵy syılyq berildi.
Máskeýde ótken Shyǵys zertteýshileriniń HHV-halyqaralyq kongresinde (1960), Bakýde ótken Shyǵys zertteýshileriniń halyqaralyq konferensııasynda (1967) t. b. halyqaralyq jáne búkil odaqtyq kongrester men sımpozıýmdarda, konferensııalarda jasaǵan baıandamalary shet tilderine (aǵylshyn, arab, fransýz, ıspan) aýdarylyp jarııalandy. A.Núsipbekov 1968 jyly KSRO- Japonııa módenı baılanys qoǵamynyń shaqyrýymen Japonııada bolyp, Tokıonyń Baseda ýnıversıtetinde qazaq tarıhynan leksııa oqydy. Vengrııa ǴA-da baıandama jasady. A.Núsipbekov aýdandyq, qalalyq jáne oblystyq partııa komıtetterine múshe jáne Almaty qalalyq keńesiniń depýtaty boldy. Qazaqstan KP XIII, HӀV-sezderine (1971, 1976) OK músheligine kandıdat bolyp saılanǵan.