Ortalyqta obdlystyń barlyq óńirlerinen kelgen týǵannan 18 jasqa deıingi balalar keshendi psıhologııalyq-pedagogıkalyq túzetý jáne ońaltý kómegin alady. Erekshe ortalyq osydan eki jyl buryn balalar úıinen bosaǵan úsh qabatty ǵımaratqa ornalasty. Onda bir mezgilde 100 bala ońaltý kómegin ala alady. Aýdandardan kelgen 50 bala ınternatqa jatýyna barlyq jaǵdaı jasalǵan. Al qalǵany oblys ortalyǵynan qatynaıdy.
Ortalyqta kabınetter men quraldar erekshe oqytýdy qajet etetin balalarmen sabaq ótkizýge beıimdelip jasaqtalǵan. Ujymda 100 maman jumys isteıdi.Olardyń arasynda 60 mamannyń bilimi kásibı talapqa tolyq jaýap beredi. Ortalyqtyń ashylý saltanatynda oblys ákiminiń orynbasary Marat Júndibaev ata-analar men pedagogtardy balalarǵa arnalǵan jańa bilim berý ornymen quttyqtady.
«Osydan eki jyl buryn munda jetim balalar úıi bolatyn. Qazir oblysta úsh balalar úı jabyldy. Al bul ıýosaǵan ǵımaratty biz jańa maqsatqa paıdalanyp otyrmyz. Maqsatymyz da qasterli dep aıtýǵa bolady. Erekshe kútimdi, erekshe oqytýdy qajetsinetin balalar osynda keledi. Bul ata-ana úshin óte úlken kómek», dedi Marat Qonysbaıuly.
Jalpy oblysta barlyǵy erekshe oqytýdy qajetsinetin 10 myńnan astam bala bar. Bul joly arnaıy komıssııanyń qaraýymen túzetý jáne ońaltý jumystaryna 150 bala tartylatyn boldy. Ortalyqta búginnen bastap Meńdiǵara, Qostanaı, Jitiǵara asýdandarynan, Qostanaı qalasynan kelgen balalarmen mamandar pedagogıkalyq, psıhologııalyq túzetý jumystaryna kiristi. Aıtpaqshy, Marat Júndibaev ortalyq dırektoryna 3 mıllıon teńgeniń sertıfıkatyn taybs etti. Oǵan ortalyqqa Montessorı júıesi jabdyqtalatyn bolady.