Jalaqy – eńbek adamynyń áleýmettik, turmystyq kóńil-kúıiniń basty barometri. О́ndiristik kásiporyndarda qyzmet jasaıtyn jumysshylardyń eńbekaqysy joǵary bolýynyń alatyn orny aıryqsha.
Birinshiden, osy arqyly otbasy bıýdjetin tolyqtyrýdyń oraıy kelse, ekinshiden, qomaqty tabys tabatyn eńbekkerdiń jumys isteýge degen yntasy men qabileti de arta túsedi. Osy oraıda óndirisi órken jaıǵan óńirde tarıh qoınaýyna ketip bara jatqan bıylǵy 2019 jyly 2000-nan astam kásiporynda isteıtin 33 myńnan asyp túsetin jumyskerdiń eńbekaqysy joǵarylaǵany – jaǵymdy jaıt.
Búgingi kúni barsha qazaqstandyqtardyń qos merekeniń qarsańynda turǵany málim. Munyń birinshisi – esik attap úlgergen Táýelsizdik kúni bolsa, ekinshisi – odan keıin jalǵasyp keletin jańa jyl merekesi. Osy mereıli datalardyń qurmetine oraı Aqtóbe aımaǵynda ónerkásip salalarynda isteıtin qarapaıym jumysshylardyń bárine syıaqy berý tártipteri belgilendi. Onyń ortasha mólsheri – seksen myń teńge tóńireginde. Al, syıaqy qorynyń jalpy somasy – bes mıllıard teńgeni quraıdy.