Qytaıdaǵy Szınanda Nazarbaev Zııatkerlik mektepterine 2019 jyldyń IýNESKO Wenhui Award syıaqysy tabystaldy. Bul týraly atalmysh mekteptiń baspasóz hatshylyǵy habarlady.
Bul Zııatkerlik mektepterdiń úlken ári kásibı ujymy úshin ǵana emes, sonymen qatar búkil ulttyq bilim berý júıesi úshin de mańyzdy oqıǵa. NIS bilim salasyndaǵy IýNESKO syılyǵyna ıe bolǵan Qazaqstannyń alǵashqy ókili boldy.
Dıplommen men usynylǵan jobany damytýǵa arnalǵan 20 myń dollar «Nazarbaev Zııatkerlik mektepteri» DBBU tóraıymy Kúlásh Shámshıdınovaǵa tapsyryldy.
Wenhui Award «Bilim berý – 2030» kún tártibin ilgeriletý úshin ýnıversıtet pen mektep arasyndaǵy seriktestikti damytýǵa baǵyttalǵan. 2019 jyldyń fınaldyq kezeńinde Avstralııa, Qytaı, Malaızııa jáne Shrı-Lankanyń úzdik ýnıversıtetteri bolǵan.
IýNESKO-nyń syılyǵy sapaly bilim men ómir boıy bilim alýǵa yqpal etetin joǵary oqý oryndary men mektepter arasyndaǵy sátti seriktestik úshin – balalar men jastardy ómirge, jumysqa jáne dúnıejúzilik jahandyq azamattyqqa daıyndaǵan qazaqstannyń ınnovasııalyq mektepterine berildi.
Bedeldi marapatqa ıe bolý týraly qazan aıynda «Nazarbaev Zııatkerlik mektepteri» DBBU «Mektep álemin ózgertetin ustazdar» XI halyqaralyq ǵylymı-praktıkalyq konferensııasynda jarııalandy. Quttyqtaý hatynda Almatydaǵy IýNESKO-nyń klasterlik keńsesiniń dırektory Krısta Pıkkat atap ótti.
Qazaqstan, Qyrǵyzstan, Tájikistan jáne О́zbekstan boıynsha IýNESKO-nyń klasterlik bıýrosynyń atynan ózimniń «Nazarbaev Zııatkerlik mektepteri» derbes bilim berý uıymyna degen asa qurmetimdi bildirip, asqan qýanyshpen, «Nazarbaev Zııatkerlik mektepteri» DBBU joǵary oqý oryndary men mektepter arasyndaǵy yntymaqtastyq salasyndaǵy úzdik oqý oryndarynyń biri retinde tanyldy.
Alǵashqylardyń biri bolyp NIS-ti jańa tabysymen 2011 jyldan bastap Qazaqstannyń ınnovasııalyq mektepteriniń seriktesi bolyp tabylatyn Kembrıdj ýnıversıteti quttyqtady. Kembrıdj ýnıversıteti bilim berý mektebiniń resmı saıtynda: «Áriptestik fakýlteti mektebi bilim berý ınnovasııasynyń marapatyn aldy «Bilim berýdegi ınnovasııalar» degen aqparat jarııalanǵan.
– NZM salmaqty baıqaýda jeńiske jetip, «mektepter men stýdentter arasyndaǵy seriktestik» baǵytyn sátti qurǵany úshin marapat aldy. Qurylǵan kúnnen bastap, NZM ulttyq jáne halyqaralyq ýnıversıtettermen birge túlekterge qoldaý kórsetý jáne olardyń jetistikterin taný maqsatynda yntymaqtastyq ornatty. Nazarbaev Zııatkerlik mektepterin fantastıkalyq jetistigi men osy marapatqa ıe bolýymen quttyqtaımyz.
Búginde Nazarbaev Zııatkerlik mektepteri qazaqstannyń úzdik ýnıversıtetterimen seriktestik qarym-qatynasta: Nazarbaev Ýnıversıteti, Qazaq-Brıtan tehnıkalyq ýnıversıteti, ál-Farabı atyndaǵy Qazaq ulttyq ýnıversıteti, KIMEP, Sátpaev ýnıversıteti, Halyqaralyq aqparattyq tehnologııalar ýnıversıteti, Almaty Menedjment ýnıversıteti, Narhoz ýnıversıteti «Bıznesti ákimshiliktendirý bakalavry» mamandyǵy boıynsha, Súleımen Demırel atyndaǵy ýnıversıteti jáne taǵy basqalary.
Búgingi tańda NIS-programme oqý baǵdarlamasy men NZM 12-synyp sertıfıkatyn birqatar halyqaralyq uıymdar moıyndady: Ulybrıtanııanyń bilim kýáligin taný jónindegi ulttyq aqparat ortalyǵy (UK NARIC), Gollandııanyń bilim berýdi ınternasıonaldandyrý boıynsha uıymy (NUFFIC), Germanııa federaldy jerleriniń jáne bilim mınıstrleriniń turaqty konferensııasynyń keńesi jáne Shveısarııadaǵy qonaqúı menedjmenti salasyndaǵy provaıderi Swiss Education Group.
NIS-programme oqý baǵdarlamasy men Sertıfıkatty sheteldik joǵary oqý oryndary moıyndady: Kembrıdj Ýnıversıteti, Bornmýt ýnıversıteti, Glazgo Kaledonııa ýnıversıteti, Gonkong qalalyq ýnıversıteti (QHR), Gonkong polıtehnıkalyq ýnıversıteti, Pýsan ulttyq ýnıversıteti, Ionseı ýnıversıteti (Ońtústik Koreıa), Monash ýnıversıteti (Avstralııa), olar NZM túlekterin joǵary oqý ornyna deıingi kýrsty ótpeı-aq bakalavrıat baǵdarlamalaryna qabyldaıdy.