Jambyl oblysyndaǵy “Daryn” mektep-ınternatynyń oqýshysy Baýyrjan Áýbákirdiń ǵylymı izdenisiniń nátıjesinde elimizdegi “Nokia” kompanııasy uıaly telefondarynyń smartfony qazaq tilinde “sóıleıtin” bolady.
Baýyrjan Áýbákir – jaqynda bolyp ótken oqýshylar arasyndaǵy respýblıkalyq ǵylymı jarystyń jeńimpazy. Ǵylymı jumystar básekesine jiberilgen 400-den astam taqyryptyń ishinen jambyldyq jasóspirimniń “Qazaq tili mobıldik qondyrǵyda” dep atalatyn jobasy óziniń mańyzdylyǵymen erekshelendi jáne ǵalymdar men bilikti mamandar tarapynan óte joǵary baǵa alyp, altyn medalmen marapattaldy.
Jańa jobaǵa “Nokia” kompanııasy basshylyǵy da nazar aýdaryp, jas talapqa fırmanyń E-72 uıaly telefonyn syılady. Sonymen birge kompanııa ókilderi jobany óndiriske engizýdiń tehnıkalyq máselelerin de qarastyryp otyr.
– О́tken jyly “Qazaqstan Respýblıkasyndaǵy jelisiz tehnologııa” taqyryby boıynsha jumys istegen bolatynmyn. Odan keıin osy jobany qolǵa aldym. О́ıkeni búginde memlekettik tildegi smartfondar joq. Úsh aıǵy izdenis óz nátıjesin berdi, – deıdi “Daryn” mektebiniń oqýshysy Baýyrjan Áýbákir.
B.Áýbákir ınformatıka pániniń muǵalimi Laýra Qyzdarbekova, fızıka-matematıka ǵylymynyń kandıdaty, TarMPI dosenti Aleksandr Týchınmen birge kóp jumys istepti. О́ziniń bolashaǵyn ǵylymnan izdegisi keletin jas Qazaq-Brıtan tehnıkalyq ýnıversıtetiniń aqparattyq tehnologııa fakýltetine túsýdi armandaıdy.
Kósemáli SÁTTIBAIULY.
Jambyl oblysy.