Reseıden,Nur-Sultan men Aqtóbe qalalarynan kelgen bilikti hırýrgter oblystyq aýrýhanada jergilikti áriptesterimen birigip laparoskopııalyq ota jasaýdyń joldaryn kórsetti. Sheberlik saǵattaryn ótkizdi.
Reseıdiń eńbek sińirgen dárigeri, professor, medısına ǵylymdarynyń doktory Ádýard Gallıamovtyń aıtýynsha, naýqastyń denesinde birneshe kishkentaı tilik jasalady. Sol arqyly qajetti quraldar men kamera ótkiziledi. Is-árekettiń barlyǵy ekran arqyly baqylanady.Laparoskopııanyń tıimdiligi sol – adam otadan keıin uzaq ýaqyt boıy tósek tartyp jatpaıdy. Iаǵnı, naýqas bir-eki kúnniń ishinde turyp ketedi.
«Laparoskopııalyq otalardyń ózindiń qıyndyqtary bar. Desek te, odan taısaqtaýǵa bolmaıdy. Búginde medısına joǵary tehnologııalyq múmkindikterge ıe. Eń bastysy, tájirıbe men kásibı sheberlikti talap etedi. Bul ozyq ádis Qazaqstanda 1991 jyldan beri qoldanylyp keledi. Biz jergilikti dárigerler úshin sheberlik saǵattaryn uıymdastyryp, birneshe ota jasaıtyn bolamyz» deıdi Qazaqstan Respýblıkasynyń eńbek sińirgen qaıratkeri, professor, medısına ǵylymdarynyń doktory Serik Toqpanov.
Oblystyq aýrýhana bas dárigeriniń orynbasary Rýslan Abetov mekemeniń materıaldyq-tehnıkalyq bazasy operasııanyń túr-túrin jasaýǵa múmkindik beretinin, bilikti mamandermen qamtamasyz etilgenin jetkizdi. Jalpy, bul – bıyl uıymdastyrylyp jatqan ekinshi sheberlik saǵaty. Televızııalyq optıkalyq kameranyń kómegimen segiz ota jasalypty. Alǵashqysy shilde aıynda ótip, asqazannyń shýnttik otasy jasalypty.
Ota aıaqtalǵannan keıin dárigerler jergilikti áriptesterine ótkizilgen operasııalar boıynsha dárister oqydy. Endoskopııalyq hırýrgııanyń jańashyl ádis-tásilderimen bólysty.