Aqtaý qalasyndaǵy QR Qarýly Kúshteri Áskerı-teńiz kúshteriniń kishi mamandardy daıarlaý oqý ortalyǵynyń bazasynda áskerı mindettilerdi daıarlaýdyń kezekti kezeńi aıaqtaldy. Rezervısterdi daıarlaý avtomobıl mamany, atqysh jáne basqa da jumyldyrý rezervin tolyqtyrýǵa qajetti mamandyqtar boıynsha júrýde. Jıynǵa 27-30 jas aralyǵyndaǵy buryn dáleldi sebeptermen áskerı qyzmet ótkermegen 50 áskerı mindetti tartyldy. Olardyń kópshiligi esepshiden bastap, mektep muǵalimine deıingi óz qyzmet salalarynyń mamandary bolyp tabylady.
Bir aı ishinde jas jigitter áskerı istiń álipbıimen tanysyp, áskerı tehnıka men qarý-jaraqtyń materıaldyq bóligin, olardy urysta qoldaný tásilderin zerdeleıdi, dene daıarlyǵymen shuǵyldanady jáne barlyq ótken pánder boıynsha synaqtar tapsyrady.
– Jalpy jumyldyrý rezervi úshin áskerı mindettilerdi daıarlaý jónindegi jıyn tabysty ótti. Áskerı mamandyq alǵan tórt áskerı mindetti qazirdiń ózinde kelisimshart boıynsha áskerı qyzmetti jalǵastyrýǵa tilek bildirdi, – dedi kishi mamandardy daıarlaý jónindegi oqý-jattyǵý ortalyǵynyń bastyǵy polkovnık Danııar Galeev.
Bul joly oqý-jattyǵý ortalyǵynda Atyraý oblysynan kelgen áskerı mindettiler daıarlyqtan ótti. Jıynnyń aıaqtalýy boıynsha olar sertıfıkattar alyp, olarǵa qatardaǵy jaýynger jáne serjanttar quramynyń áskerı ataqtary berildi. Budan buryn osy ortalyqta Mańǵystaý oblysynyń áskerı mindettileri daıarlyqtan ótse, tamyz aıynyń alǵashqy kúnderinen Batys Qazaqstan oblysynyń jigitteri jattyǵýǵa kirispek.
«Egemen-aqparat».