Qazaqstandyq tennısshi Zarına Dııas Gonkongtaǵy ITF týrnıriniń fınalyna shyqty.
Álemniń 77-raketkasy Z.Dııas jartylaı fınalda reıtıngte 157-orynda turǵan amerıkalyq Sachııa Vıkerımen sheberlik baıqasty. Qazaqstandyq sportshy qarsylasyn 6:3, 6:2 esebimen tize búktirdi. Buǵan deıin olar ózara eki márte kezdesip, esep 1:1 bolǵan edi. Endi Zarına 2:1 esebimen alǵa shyqty.
Júlde qory 25 myń AQSh dollaryna baǵalanǵan jarystyń fınalynda Z.Dııas álemniń 72-inshi, osy týrnırdiń 1-raketkasy, qytaılyq Chjý Lın nemese reıtıngte 251-satydaǵy fransııalyq Harmonı Tannyń bireýimen kezdesedi.
Eske sala keteıik, budan buryn Z.Dııastyń Gonkongtaǵy týrnırdiń jartylaı fınalyna shyqqanyn, al Iýlııa Pýtınsevanyń jyldyń betashar matchyn Brısbende ótkizetinin jazǵan bolatynbyz.