Qazaqstan Respýblıkasy Parlamenti Senatynyń depýtattary, Áleýmettik-mádenı damý jáne ǵylym komıtetiniń músheleri Nurtóre Júsip pen Dınar Nóketaeva Almaty oblysyndaǵy jumys babyndaǵy sapar aıasynda Jambyl aýdanynda boldy. Bul týraly Parlament Senatynyń baspasóz qyzmeti habarlady.
Depýtattar Jambyl aýdanynyń aktıvimen kezdesti. Júzdesý barysynda halyqty jumyspen qamtý, áleýmettik qamsyzdandyrý jáne shaǵyn jáne orta bıznesti qoldaý máseleleri kóterildi. Senatorlar problemalyq máseleler atqarýshy organdardyń nazaryna usynylyp, jeke baqylaýǵa alynatynyn atap ótti.
Senatorlar sonymen qatar Aqterek aýylyndaǵy jańa kópir qurylysymen de tanysty. Olar sapar aıasynda Jambyl, Qaraqystaq, Aqqaınar, Shıen, Degeres eldi mekenderinde boldy.