Kúni keshe el Prezıdenti Qasym-Jomart Toqaevtyń «Abaı jáne XXI ǵasyrdaǵy Qazaqstan» atty maqalasy jaryq kórdi. Bul eńbek–- uly oıshyl Abaıdyń mol murasyn búkil jurtqa pash etýdiń, kemeńgerdiń 175 jyldyǵyn joǵary deńgeıde atap ótýdiń kilti dep bilemin.
Prezıdent bizge jol silteı otyra, Abaı shyǵarmalarynyń qundylyqtaryn mynaý damyǵan zamanmen salystyrady. О́rkenıetti elderdiń aldynda qazaq bilimdi, bilikti, ǵylymnyń damýyna úles qosýy qajettigin aıtady. Buǵan barlyq el bolyp jumyla kirisýimiz qajet. Ásirese, kúni-túni kózin telefonnan almaıtyn bolashaq urpaqty tárbıeleýimiz kerek. Boılaryna asyl murany sińirý shart. О́ıtkeni, «Jumyla kótergen júk qashan da jeńil».
Jastardyń boıynda patrıottyq sezimdi oıatý, olardyń tarıhqa degen qulshynysyn arttyrý úshin fılarmonııa Abaıdyń mýzyka álemine qosqan ólsheýsiz úlesin dáriptep keledi. Búginde kompozıtordyń áýezdi ánderi Memlekettik akademııalyq fılarmonııanyń repertýarynda oıyp turyp oryn alǵan.
Sondaı-aq Abaıdyń 175 jyldyq mereıtoıy aıasynda óner ordasynyń ujymy, ıaǵnı 700 qyzmetker «Kózimniń qarasy» shyǵarmasyn oryndaý boıynsha chellendj uıymdastyrdy. Bul aýqymdy estafeta elimizdiń barlyq aımaǵynda jalǵasyn tapty.
Kemel oıdyń kemeńgeri Abaı Qunanbaıulynyń esimi eshqashan ólmek emes. Ony búgingi urpaq ulyqtaı beredi.
Erlan DAKENOV,
Nur Sultan qalalyq ákimdiginiń
Memlekettik akademııalyq fılarmonııasynyń bas dırektory