Senat depýtattary Rashıt Ákimov pen Dáýren Ádilbekov Aqmola oblysyna jumys sapary aıasynda Qorǵaljyn aýdanynda boldy. Bul týraly Parlament Senatynyń baspasóz qyzmeti habarlady.
Máslıhat depýtattarymen kezdesýde 2019 jylǵy Parlament jumysynyń qorytyndylary týraly habardar etti jáne aýyl turǵyndarynyń ómirine áser etetin áleýmettik sala jańalyqtaryn talqylady.
Depýtattar sondaı-aq aýdandyq aýrýhana, agrotehnıkalyq kolledj jáne «Baqara» et kombınaty ujymdarymen kezdesýler ótkizdi.
Kezdesýde medısınalyq qyzmetkerler mindetti áleýmettik medısınalyq saqtandyrýdy júzege asyrý jáne halyqqa dárigerlik qyzmet kórsetýdegi problemalyq máselelerdi, atap aıtqanda, aýdan aýmaǵynda turatyn, biraq elordada tirkelgen turǵyndar sany týraly, medısınalyq mekemeni qarjylandyrý týraly, sondaı-aq jumys istemeı turǵany aýdandyq aýrýhananyń lıfti jáne ony jóndeý úshin bıýdjetten qomaqty qarjy bólý qajettigi týraly máselelerdi kóterdi.