Parlament Senatynyń depýtaty Olga Perepechına Soltústik Qazaqstan oblysyna jumys babyndaǵy sapary aıasynda oblystyq qarjy basqarmasynda qarjy organdarynyń qyzmetkerlerimen kezdesti. Bul týraly Parlament Senatynyń baspasóz qyzmeti habarlady.
Elimizdiń zańnamasy men bıýdjet prosesin jetildirý, «Qazaqstan Respýblıkasynyń keıbir zańnamalyq aktilerine jergilikti ózin-ózi basqarýdy damytý máseleleri boıynsha ózgerister men tolyqtyrýlar engizý týraly» zańdy iske asyrý, bıýdjetti qalyptastyrý, bekitý jáne atqarý prosesinde qazynashylyq organdarynyń jergilikti jáne ortalyq atqarýshy organdarmen ózara kelisilgen is-qımyl máseleleri talqylandy.
Sondaı-aq Soltústik Qazaqstan oblysy boıynsha memlekettik kirister departamentiniń qyzmetkerlerimen de jumys kezdesýi boldy. Onda salyqtyq jáne kedendik ákimshilendirý, «Astana-1» júıesiniń jumysy, táýekelderdi basqarý júıesi, mindetti túrde BKM-onlaındy engizý, jalpyǵa birdeı deklarasııalaýǵa azamattardyń daıyndyǵy, halyqty habardar etý, memlekettik organdardyń aqparattyq júıelerin ıntegrasııalaý, memlekettik organdardyń derekter qory málimetteriniń mańyzy men dáldigi jáne taǵy basqa máseleler talqylandy. Áńgime barysynda osy jobalardy iske asyrýǵa baılanysty ózekti máseleler qozǵaldy jáne olardy sheshý týraly usynystar aıtyldy.
Oblystyq qazynashylyqta kezdesý kezinde bıýdjet prosesin qazynashylyq súıemeldeý jáne ortalyq memlekettik organdar men aýmaqtyq bólimsheleriniń memlekettik satyp alýdy biryńǵaı uıymdastyrý fýnksııasyn qazynashylyq organdaryna berý jónindegi pılottyq jobany iske asyrý máseleleri talqylandy.
Senator Ulttyq ulannyń Áskerı ınstıtýtynda bolyp, oqý prosesimen tanysty jáne kýrsanttarmen kezdesti. Depýtat Áskerı ınstıtýttaǵy bıyl kúrdeli jóndeý jumystary bastalatyn nysandardy aralady jáne qurylysy jańadan bastalatyn oqý korpýsy men kazarmany kórdi, ınstıtýttyń qurylý tarıhymen jáne atqyshtar tırimen tanysy.