Memleket basshysy Qasym-Jomart Toqaev Aqordadaǵy Prezıdenttik jastar kadr rezervine ótken azamattarmen kezdesý barysynda joba jeńimpazdaryna berilgen múmkindikti atap ótip, olardan eldi damytýǵa tyń serpin beretin jańa ıdeıa men nátıjeli jumys kútetinin jetkizdi.
«Árqaısyńyzdan eldi damytýǵa tyń serpin beretin jańa ıdeıa men nátıjeli jumys kútemiz. Aldaǵy ýaqytta sizderdi memlekettik organdar men ulttyq kompanııalarǵa jaýapty qyzmetke jiberemiz. Qazirdiń ózinde rezervke ótken elý bes azamat jańa qyzmetke bekitildi», dedi el Prezıdenti óz sózinde.
Sondaı-aq Qasym-Jomart Toqaev joba mindeti daryndy jastarǵa múmkindik berý ekendigin eske saldy.
«Bizdiń maqsatymyz sizderdi laýazymdy qyzmetke taǵaıyndaý ǵana dep oılamańyzdar. Bul – Eldi órkendetýge bel býǵan, sol úshin bar kúsh-jigerin jumsaıtyn azamattarǵa arnalǵan joba. Basty mindet – talantty jastardyń Qazaqstandy jańa belesterge kóterýine múmkindik berý» dep atap ótti Memleket basshysy.
Odan bólek Prezıdent kadrlyq rezervke ótken azamattarǵa senim artatynyn aıtty.
«Qazaqstannyń bolashaǵy – sanaly ári talapty urpaqtyń qolynda. Sondyqtan kadrlyq rezervke ótken azamattar ózderine júktelgen jumysty abyroımen atqarady dep senemin. HHI ǵasyrdaǵy Qazaqstandy bıik belesterge sizder sııaqty bilimi ozyq, oıy ushqyr jastar bastaýy kerek» dedi Q.Toqaev.