Bul týraly Memleket basshysy Qasym-Jomart Toqaev Aqordadaǵy Prezıdenttik jastar kadr rezervine ótken azamattarmen kezdesý barysynda aıtty.
«Abaıdyń «Tolyq adam» tujyrymy ómirimizdiń kez-kelgen salasynda, memleketti basqarý men bilim júıesinde, bıznes pen otbasy ınstıtýttarynda negizgi tuǵyrǵa aınalýy kerek. Munyń bári ıntellektýaldy ult qalyptastyrý úshin qajet», dedi Memleket basshysy.
Sondaı-aq Prezıdent uly Abaıdy óz zamanyndaǵy iskerliktiń uıytqysy deýge bolatynyn atap ótti.
«Biz eldik múddege qatysty árbir isimizde uly aqynnyń eńbekterine júginýimiz kerek. Bul – jańǵyrý jolyndaǵy asa mańyzdy qadam. Halqymyz, ásirese, jas býyn Abaıdyń sara jolyn jalǵaýǵa basa mán berýi tıis», dedi Qasym-Jomart Toqaev.