Prezıdenttik jastar kadr rezerviniń ókili Nurbek Serikov «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ Basqarma tóraǵasynyń orynbasary laýazymyna taǵaıyndaldy. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.
Nurbek Nurjanuly Serikov 1989 jyly Qaraǵandy oblysy Balqash qalasynda dúnıege kelgen. Bóketov atyndaǵy Qaraǵandy memlekettik ýnıversıtetin, Soltústik Oral memlekettik agrarlyq ýnıversıtetin (Tıýmen q.) jáne Prezıdent janyndaǵy Memlekettik basqarý akademııasyn bitirgen.
Eńbek jolyn 2012 jyly Qurylys jáne turǵyn úı-kommýnaldyq sharýashylyq isteri agenttigi Turǵyn úı qurylysy departamentiniń Turǵyn úı qurylysy baǵdarlamasyn iske asyrý basqarmasynyń sarapshysy qyzmetinde bastaǵan.
2013 jyldan 2019 jylǵa deıin Investısııalar jáne damý mınıstrligi Qurylys jáne turǵyn úı-kommýnaldyq sharýashylyq isteri komıtetiniń Sýmen jabdyqtaý jáne sý burý basqarmasynyń túrli qyzmetterinde jumys istedi.
2019 jyldyń mamyrynan bastap Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıteti Kommýnaldyq sharýashylyq basqarmasynyń basshysy bolyp jumys istedi.
Aıta ketý kerek, Prezıdenttiń tapsyrmasy boıynsha Prezıdenttik jastar kadr rezervine engen úmitkerler memlekettik qyzmettiń ákimshilik jáne saıası laýazymdaryna, kvazımemlekettik sektordyń basshylyq pozısııalaryna taǵaıyndalatyn kezde qaralady.
Prezıdenttik jastar kadr rezervin qurý qajettigin Prezıdent Qasym-Jomart Toqaev óziniń saılaýaldy baǵdarlamasynda atap ótti. Sol kezde Memleket basshysy rezerv jastar úshin tıimdi áleýmettik lıft bolýy tıis ekenin atap ótti.