Ashyq teńizde qysqy jaǵdaıda súńgý daıyndyǵy boıynsha sabaqtar Qazaqstan Respýblıkasy Áskerı-teńiz kúshteriniń jaýyngerlik daıarlyq josparyna sáıkes Qazaqstannyń batysynda ótýde. Bul týraly Qorǵanys mınıstrliginiń baspasóz qyzmeti habarlady.
Súńgýir isi jónindegi nusqaýshylardyń basshylyǵymen bilim alýshy jeke quram teorııany zerdelep, tómen temperatýra kezinde súńgýirlerdiń is-áreketiniń praktıkalyq daǵdylaryn pysyqtaıdy. Aıta ketý kerek, Kaspıı teńizindegi qazirgi sý temperatýrasy Selsııa shkalasy boıynsha + 3 gradýs.
Sýǵa batqan kezde qaýipsizdik sharalaryn saqtaýǵa erekshe kóńil bólinedi.
Kez kelgen aýa raıynda, kúndiz jáne túnde de, sýyq sýǵa túsý barlyq áskerı súńgýirler úshin mindetti jattyǵýlardyń bir bóligi ǵana.