Qytaıdyń Ýhan qalasynan keletin qazaqstandyq stýdentterdi 14 kúngen karantınge oqshaýlaıdy. Bul týraly Qazaqstannyń bas sanıtarlyq dárigeri Jandarbek Bekshın aıtty.
- Qytaıda turatyn qazaqstandyq stýdentter men azamattardyń máselesine keler bolsaq, bizdiń úkimet Qytaı úkimetine Ýhan qalasynan bizdiń 61 stýdentimizdi evakýasııalaýdy uıymdastyrý boıynsha nota joldady. Arnaıy bortta bizdiń dárigerler qorǵanys kostıýminde bolady, sondaı-aq olar kelgen soń dezınfeksııa jasalady, al stýdentter 14 kúnge oqshaýlanady, - dedi J.Bekshın.
Onyń aıtýynsha, qazaqstandyq bılik qazaqstandyq ushaqtyń ushý máselesi boıynsha Qytaı tarapynyń jaýabyn kútip otyr.
- Biz týrıster men basqa da azamattarymyzdyń qaıtarylǵanyn kútip otyrmyz. Sol sebepti shekarany jabý múmkin emes, - dedi J.Bekshın.