2020 jyldyń naýryz aıynda Qytaıda ótýi tıis jeńil atletıkadan jabyq ǵımarattaǵy álem chempıonaty koronavırýsqa baılanysty keıinge shegerildi. Bul týraly Olympic.kz habarlady.
Álem birinshiligi 13-15 naýryz kúnderi Qytaıdyń Nankın qalasynda ótýi tıis bolatyn. Halyqaralyq federasııanyń baspasóz qyzmeti álemdik synnyń aýystyrylǵany týraly habarlama taratty.
«Qytaı koronavırýspen kúresý úshin aıanyp qalmaıdy. Al biz sol úshin olarǵa bar jaǵdaıdy jasaýymyz qajet. Biz sportshylar men federaldy bılikterge jáne seriktesterge bul aımaqtaǵy sporttyq jarysqa qatysty máseleniń qalaı sheshilip jatqanyn naqty jetkizýimiz kerek. Bul álem chempıonatyn ótkizbeý týraly sheshim qabyldaǵan joqpyz. О́ıtkeni, kóptegen sportshylar bul týrnırdi asyǵa kútip júr. Sol sebepti, jarysty 2021 jylǵa qaldyrdyq» delingen habarlamada.