Mınýs otyz gradýs aıazda Nur-Sultan turǵyndary qaıyrymdy sharalar lebimen jylynýda. Búgin jastar eriktiler qalalyqtarǵa ystyq shaı taratýdy uıymdastyrdy. Bul týraly Nur-Sultan qalasy ákimdiginiń baspasóz qyzmeti habarlady.
Turǵyndarǵa kóterińki kóńil-kúı syılap, olardy jylytý úshin ondaǵan eriktiler erekshe aksııaǵa qatysty. «Biz birgemiz» aksııasy aıasynda joǵary oqý oryndary men kolledj stýdentteri, úkimettik emes jastar uıymdarynyń ókilderi avtobýs aıaldamalarynda astanalyqtarǵa ystyq shaıdy tegin taratty.
Aıta ketsek, bul elordalyq eriktiler tarapynan uıymdastyrylǵan alǵashqy aksııa emes. Jyl bastalǵaly belsendi jastar muqtaj jandardyń úıin jınap, qar tazalady, azyq-túlikpen qamtamasyz etti. #Bizbirgemiz aksııasynyń maqsaty - jaqsy isterdi nasıhattaý, jylylyqpen bólisý.
Shaı taratý adamdar kóp jınalatyn jerlerde, atap aıtqanda «Shapaǵat» SÚ, «Tulpar» SÚ aıaldamalary aýdanynda ótti.