Memleketter basshylary qazaq-qyrǵyz strategııalyq seriktestigi men odaqtastyq qatynastardyń qazirgi ahýalyn jáne ony odan ári nyǵaıtýdyń perspektıvalaryn talqylady. Bul týraly Aqordanyń baspasóz qyzmeti habarlady.
Áńgimelesý barysynda Qazaqstan Prezıdentiniń 2019 jylǵy qarashada Qyrǵyz Respýblıkasyna jasaǵan memlekettik saparynyń qorytyndylary boıynsha qol jetkizgen ýaǵdalastyqtardy sapaly júzege asyrý qajettigi aıtyldy.
Taraptar keden beketterindegi júk tasymaly rásimderin jeńildetý maqsatynda sıfrlyq tehnologııa salasy boıynsha yqpaldastyq ornatý máselesin qarastyrdy.
Qyrǵyz Respýblıkasynyń Prezıdenti Sooronbaı Jeenbekov Qasym-Jomart Toqaevqa Qazaqstannyń Ýhan (QHR) qalasynan qyrǵyz azamattaryn evakýasııalaýǵa kórsetken kómegi úshin alǵys bildirdi.
Telefon arqyly sóılesýge qyrǵyz tarapy bastamashy boldy.