Ulttyq saraptama ortalyǵy men Ortalyq referens-zerthana mamandary zerttelinetin materıaldarda 2019-nCov koronovırýsty anyqtaý boıynsha júrgizilgen zerthanalyq zertteýlerde vırýs tabylmaǵandyǵyn málimdedi.
Zertteý barysynda 17 tumaý jáne 17 tumaýǵa uqsas ınfeksııalyq jaǵdaılar anyqtaldy.
Aǵymdaǵy jyldyń 26 qańtarynan bastap Ulttyq saraptama ortalyǵyna QHR-dan kelgen, joǵary temperatýradaǵy JRVI belgileri anyqtalǵan pasıentterdiń úlgileri kelip túsýde.
26 qańtar men 3 aqpan aralyǵynda Ulttyq saraptama ortalyǵyna, Ýhan qalasynan kelgen 82 stýdent pen 12 jetekshi, bortserikti qosa alǵanda, 101 naýqastan jáne 148 baılanysta bolǵan adamnan 249 materıal tústi.
Ulttyq saraptama ortalyǵy joǵary tynys alý joldarynan alynǵan jaǵyndylarǵa 2019-nCov koronavırýs boıynsha, sondaı-aq tumaý jáne tumaýǵa uqsas vırýstyq ınfeksııalarǵa tegin negizde zertteý júrgizetinin atap ótken jón.
Sonymen qatar materıaldyń úlgileri (qan, joǵary tynys alý joldarynan alynǵan jaǵyndylar) «M. Aıqymbaev atyndaǵy Asa qaýipti ınfeksııalar ulttyq ǵylymı ortalyǵynyń» Ortalyq referens-zerthanasyna 2019-nCov koronavırýsyna qatar zertteý júrgizý úshin jiberiledi.