Kúsheıtilgen rejimde jalǵastyrýdy tapsyrdy

Densaýlyq saqtaý mınıstri Eljan Birtanovtyń bergen máli­meti boıynsha, búgingi tańda Qa­zaq­standa koronavırýstyq ınfek­sııa­men syrqattaný jaǵdaı­lary tir­kelmegen. QHR-men memle­ket­tik shekara arqyly barlyq ótki­zý pýnktterinde sanıtar­lyq-epı­demıologııalyq baqylaý jumys­tary jalǵasýda, onyń bary­synda osy jyldyń 6 qańtary­nan bastap 21,8 myń adam qaraldy.

«Osy jyldyń 5 aqpanyndaǵy jaǵdaı boıynsha 104 adam joǵary tem­peratýramen aýrýhanaǵa jatqy­zyldy, olardyń 71-i búgin­de aýrýhanadan shyǵarylǵan. Sta­sıo­narlarda 33 adam qalyp otyr, barlyǵyna koronavırýsqa qatys­ty zertteý júrgizildi – nátıjeleri teris», dedi E.Birtanov.

Sondaı-aq taıaýda Ýhan qala­synan evakýasııalanǵan 83 otandasymyz karantınge jatqyzylǵan edi. Zerthanalyq tekserýler elge oralǵandardyń boıynda da koronavırýstyq ınfeksııanyń joq ekenin anyqtady.

О́z kezeginde Syrtqy ister mı­nıstriniń birinshi orynbasary Shahrat Nuryshev qazirgi tańda QHR aýmaǵynda Qazaqstannyń 780 azamaty, onyń ishinde 559 stýdenti júrgenin habarlady. Qazaqstanǵa jetkizý týraly 427 adam ótinish bergen, qalǵandary QHR-da qalýǵa nıet bildirgen. Syrtqy saıası vedomstvo dıplomatııalyq arnalar arqyly azamattarymyzdy elge áketýdi uıymdastyrý múmkindigin pysyqtap jatyr.

Osy jyldyń 3 aqpanynan bastap QHR reısterine bıletteri bar jolaýshylarǵa avıabıletterdi satyp alý orny boıynsha qaıtarý nemese qaıta resimdeý júzege asyrylýda. Bul jaǵdaıda problema joq, dep sendirdi Indýstrııa jáne ınfraqurylymdyq damý vıse-mınıstri Berik Kamalıev.

Sondaı-aq komıssııa otyry­synda atqarylyp jatqan ju­mys­tar týraly Ishki ister vıse-mınıstri A.Kalaıchıdı, bas mem­lekettik sanıtarlyq dáriger J.Bekshın, Almaty, Shyǵys Qazaq­stan oblystary, Nur-Sul­tan jáne Almaty qalalary ákim­de­riniń orynbasarlary baıandady.

Keńesti qorytyndylaı kele, Berdibek Saparbaev korona­vı­rýs­tyń paıda bolýy men taralýy­na jol bermeý boıynsha bir­qatar naqty mindetti belgi­lep, barlyq qyzmetterdiń jumys­ty kúsheıtilgen rejimde jalǵas­tyrýy qajet ekenin atap ótti.