Jumyssyzdyq máselesi Beıneý aýdanynda da ózekti. Aýdanda 4 ret bos jumys oryndarynyń jármeńkesi ótip, uıym tarapynan usynylǵan 421 jumysqa 175 adam ornalasýǵa múmkindik alǵan. Bul týraly Mańǵystaý oblysy ákiminiń baspasóz qyzmeti habarlady.
Jumyspen qamtý uıymdary arqyly 1196 adam turaqty jumysqa ornalastyrylyp, 105 adam áleýmettik jumys oryndaryna jiberildi. Jastar praktıkasyna 357 jas maman ýaqytsha jumysqa qabyldanyp, onyń 55-i turaqty jumysqa ornalasty. 791 adam aqyly qoǵamdyq jumysqa tartyldy. Sonymen qatar «Aýyl - el besigi» baǵdarlamasy aıasynda quny – 184,5 mln teńge bolatyn 5 kósheniń avto jolyna jóndeý jumystary júrgizildi. «Nurly jol» baǵdarlamasy aıasynda qurylysy júrip jatqan, 19,8 mlrd teńge bolatyn «Beıneý-Aqjigit-О́zbekstan Respýblıkasy shekarasy» avtomobıl jolynyń 80 km asfalt tóseldi.
Esepti baıandamadan keıin oblys ákimi halyq tarapynan qoıylǵan suraqtarǵa jaýap berip, aýdan ákimine birqatar tapsyrma berdi. Olar halyq tutynatyn taýar baǵasyn bir qalypty ustaý, mindetti áleýmettik medısınalyq saqtandyrý barysyn halyqqa túsindirý, jedel-járdem kóligin kóbeıtý, aýylishilik joldardy jóndeý jáne taǵy basqa.
Eń bastysy, aýdandaǵy orta jáne bıznesti damytý kerektigin tapsyrdy. Barlyq turǵyndardyń usynystary qabyldanyp, máseleni sheshý joldary qaralatynyn jetkizdi.